POP 5

Lajmet më të lexuara të 5 minutave të fundit

Sport

Partizani blindon repartin e sulmit 
zyrtarizon argjentinasin Torassa

Partizani mund të cilësohet si mbreti i merkatos së dimrit, pasi gjatë këtij afati kalimtar ka transferuar lojtarë shumë të rëndësishëm dhe me eksperiencë, ndërsa deri në ditët e fundit pritet që të afrohet edhe një tjetër sulmues ‘pykë’, ku objektiv vazhdon që të jetë Pero Pejic. 
Partizani mund të cilësohet si mbreti i merkatos së dimrit, pasi gjatë këtij afati kalimtar ka transferuar lojtarë shumë të rëndësishëm dhe me eksperiencë, ndërsa deri në ditët e fundit pritet që të afrohet edhe një tjetër sulmues ‘pykë’, ku objektiv vazhdon që të jetë Pero Pejic.

Gjatë ditës së djeshme, ashtu sikur ishte planifikuar është prezantuar Agustin Torassa. Argjentinasi ka mbyllur marrëveshjen me drejtuesit e klubit duke firmosur kontratën deri në përfundim të këtij sezoni, me opsion rinovimi edhe për sezonin tjetër nëse gjithçka shkon sipas parashikimeve  dhe palët mbeten të kënaqur.

Prezantimi i sulmuesit është bërë në prani të Drejtorit Dervishi. Argjentinasi do të mbajë veshur fanellën me numër 27, aq sa janë edhe vitet e jetës së tij. Agustin Torassa është formuar si futbollist në akademinë e All Boys, ku ka shënuan 10 gola në 126 ndeshje në kampionat nga viti 2007, ndërsa është huazuar te Chacharita dhe El Tigre.

Sulmuesi është huazuar për 6 muaj te Salsburgu në Austri, ndërsa para mbërritjes te Partizani ka qenë pjesë e Atletiko Huracan në “Primera Divizion” në kampionatin spanjoll të futbollit, ku ka zhvilluar 14 ndeshje duke shënuar 3 gola.

Pas prezantimit, sulmuesi i është bashkuar grupit në stërvitjen e drejtuar nga trajneri italian, Agostineli. Agustin Torassa ka zhvilluar stërvitjen e parë me Partizanin të diferencuar nga grupi për shkak se kishte lodhje nga udhëtimi i gjatë që ka bërë dy ditët e fundit.

Pas fitoreve me rezultat të ngushtë pjesën e parë të edicionit dhe nisjes së keqe të fazës së dytë në përballjen me Laçin në Kupën e Shqipërisë, pritshmëritë për argjentinasin janë shumë të mëdha në kampin e kuq.

Tashmë përveç Sukajt dhe Racic, tekniku italian ka në dispozicion edhe alternativën më të re për të sfiduar kundërshtarët. Pas mbërritjes së argjentinasit, klubi i Partizanit ka njoftuar se Alsid Tafili nuk do të vijojë të jetë pjesë e skuadrës së kuqe në pjesën e mbetur të kampionatit.

Mesfushori 28 vjeçar, i cili u bashkua me 15-të herë kampionët e vendit në fillim të këtij sezoni, ka vendosur të ndërpresë me konsensus bashkëpunimin me Partizanin

Mario Morina është blerja e fundit e Kukësit. Presidenti Gjici i plotësoi dëshirën dytësore teknikut Duro për një sulmues, teksa pas refuzimit të Partizanit për të lëshuar serbin Racic, Kukësit nuk i mbeti mundësi tjetër më e mirë në tregun shqiptar se Morina.

Sulmuesi është prezantuar në Kukës duke u bashkuar me grupin për të qenë gati për ndeshjen e parë në kampionat në fundjavë. Morina pas largimit nga Flamurtari ku rezultoi një aventurë e dështuar ishte lojtar i lirë duke qenë në shënjestër të disa ekipeve.

Fillimisht u lakua një rikthim te Tirana, kalim te rivalët e Partizanit, por edhe zhvendosja në Shkodër, por problemet me tifozerinë e Vllaznisë bënë që të përfundonte te Kukësi.

d.b/shqiptarja.com
 
 

/Shqiptarja.com
  • Sondazhi i ditës: 27 Janar, 09:30

    A mendoni se vota e diasporës do të jetë përcaktuese në zgjedhje?

Lajme të tjera



×

Lajmi i fundit

Vota e diasporës/ Fleta e votimit u shkon në 2 zarfe! Shifrat e regjistrimit, ‘miratohen’ rreth 55 mijë emigrantë

Vota e diasporës/ Fleta e votimit u shkon në 2 zarfe! Shifrat e regjistrimit, ‘miratohen’ rreth 55 mijë emigrantë

28 Janar, 22:00 nga Danjela Maloku