Partizani dështon të ruajë kreun, Skënderbeu i merr një pikë mbijetese! Teuta ngjitet e para me 'poker' golash

Partizani ka dështuar të ruajë kreun në javën e 32 të Superligës pasi në Korçë ka barazuar 1-1 kundër Skënderbeut. Të besuarit e Ilir Dajës edhe pse kaluan të parët në avantazh me Stenio Xhunior nuk dolën me pikë të plota, pasi për korçaët barazoi një ish i kuq si Mensah.

Ndërkohë vendin e parë e ka marrë Teuta që nuk e ka diskutuar fitoren kundër Bylisit. Në ‘Niko Dovana’ djemtë e detit shkatërruan 4-0 miqtë falë golave të realizuar nga Aleksi, Vila, Bregu dhe një autogol. Me këtë fitore Teuta është ngjitur në kuotën e 59 pikëve, 1 më shumë se Partizani i vendit të dytë, ndërsa pika e fituar e ka ndihmuar Skënderbeun për të dalë për herë të parë nga ‘zona e ftohtë’ pas shumë kohësh. Si pasojë e disfatës së Bylisit, Skënderbeu është ngjitur në vendin e tetë me 30 pikë, po aq Bylis i vendit të nëntë.

Sakaq Tirana ka marrë sot një fitore me shumë tension kundër Kastriotit. Bardheblutë ia dolën 1-0 në ‘Selman Stërmasi’ falë golit të Hoxhallarit, por ky moment shkaktoi incidente, pasi drejtuesit e krutanëve hynë në fushë duke protestuar dhe ngritur tonet pët një aksion që ishte jo ‘fair-play’ sipas tyre. Për të rifilluar ndeshjen u desh ndërhyrja e policisë.

LEXO EDHE:
Zyrtare/ Arinaldo Rrapaj prezantohet në Ukrainë, Partizani arkëton 900 mijë euro nga shitjet

Në këtë javë të Superligë vlen për t’u theksuar edhe fitorja 0-1 e Laçit kundër Bylisit që e ngjiti në vendin e tretë klubin kurbinas.

Tabela e renditjes e Superligës Shqiptare

TAG:
• partizani
• skenderbeu
• Teuta
• superliga

Sondazhi i ditës:

Si ka qene per ju viti 2024?

• I mire

  43.5%

• I keq

  22.7%

• As i mire as i keq

  33.8%

Vota total: 1556

Votat totale janë unike

• Sondazhi i ditës:

  Si ka qene per ju viti 2024?

  I mire I keq As i mire as i keq