Partizani fiton duelin e Europës në Laç, Kukësi ia del në Kamëz

Nuk i kishte shënuar asnjë gol në tri ndeshjet e këtij sezoni, por Partizani ka realizuar 3 të tillë pikërisht në ndeshjen me vendimtare ndaj Laçit, për më tepër në transfertë, duke fituar 3-0. Kardozo ka zhbllokuar shifrat në minutën e 50-të për të kuqtë dhe më pas të besuarit e Klevis Dalipit kanë mbrojtur me fanatizëm rezultatin, për të ardhur në fundin e ndeshjes, ku kanë shënuar edhe 2 gola të tjerë, me Abdurrahmanin dhe Prognin.

Një fitore bindëse për Partizanin, duke mbajtur të vetëm vendin e tretë në renditje dhe shkëputur pikërisht 3 pikë ndaj Laçit. Një sukses edhe nga ana psikologjike, ku kurbinasit do ta kenë të vështirë për të mbajtur edhe presionin e Luftëtarit nga poshtë.

Po ashtu, Kukësi ka fituar në transfertë, në Kamëz, në shifrat 0-1. Për kampionët në fuqi ka shënuar Kale në minutën e gjashtë. Kamza pak ka bërë në pjesën e parë. Në të dytën, verilindorët janë mbrojtur fort dhe kanë arritur të marrin tri pikë me shumë vlerë.

Kukësi mbetet në vendin e dytë, tashmë 6 pikë para Partizanit. Ndërsa Kamza futet në vallen e skuadrave që luftojnë për mbijetesë.

TAG:
• partizani
• Laçi
• kategoria superiore

Sondazhi i ditës:

'Rasti Qefalia', a fshihen gjobat pas akuzave të Këlliçit, Nokës, opozitës?

• Po

  69.8%

• Jo

  19.5%

• Ndoshta

  10.7%

Vota total: 421

Votat totale janë unike

• Sondazhi i ditës:

  'Rasti Qefalia', a fshihen gjobat pas akuzave të Këlliçit, Nokës, opozitës?

  Po Jo Ndoshta