Partizani mposht me shumë vështirësi Flamurtarin, Bylisi shtang Skënderbeun në Korçë

Partizani ka arritur të marrë një fitore me shumë vështirësi në javën e tretë të Superligës pasi ka fituar minimalisht 1-0 kundër Flamurtarit të njëmijë e një problemeve. Të kuqtë e nisën mirë takimin dhe me kalimine  minutave arritën të zhbllokonin me Solomon, por ishte pikërisht sulmuesi që në minutën e 29 la ekipin me 10 lojtarë pas goditjes me taka në kokë të kundërshtarit.

Pjesa e mbetur e lojës ishte shumë e vështirë për Partizanin, duke rrezikuar shpeshherë të pësonte, por gjithsesi në fund kampionët në fuqi arritën tia dilnin. Pas ndeshjes trajneri Franco Lerda u shpreh:

“Ajo që nuk prisja është që të luajë për më shumë se një orë me 10 lojtarë. Në 30 minutat e para bëmë një ndeshje të mirë, dominuam, shënuam, por nuk e kuptova vendimin e gjyqtarit për të ndëshkuar me të kuq Solomonin. Ka peshuar shumë edhe fakti që për ne është ndeshja e 4-t në 15 ditë. Donim të dominonim kontrollin e topit.”

Surprizë e madhe e kësaj jave ka ardhur nga Korça aty ku Skënderbeu është mposhtur 0-3 nga debutuesit e Bylisit.

Ne.k./Shqiptarja.com

TAG:
• partizani