POP 5

Lajmet më të lexuara të 5 minutave të fundit

Sport

Partizani për turp, Kukësi e dërgon në "play-of"! Tirana marshon frikshëm për titullin (VIDEO)

Partizani kampion ne fuqi rrezikon seriozisht zbritjen nga kategoria, pasi Kukesi e ka mposhtur 1-3 në kryeqytet. Së bashku me skuadrën në pikëpyetje edhe trajneri Sormani, ndërkohë qe skuadra tjetër e kryeqytetit, Tirana, marshon frikshëm drejt titullit kampion.

Partizani ka bërë një tjetër paraqitje katastrofike pasi në javën e 28 të Superligës është mposhtur 1-3 nga Kukësi, duke marrë në këtë mënyrë humbjen e 5 radhazi në kampionat.

Në 'Selman Stërmasi' të kuqtë u ndëshkuan fillimisht në fundin e pjesës së parë nga Abazaj, ndërsa në fraksionin e dytë një autogol i Boldor dhe rrjeta e Et'hemit dërguan shifrat e përkohshme në 0-3.

Nga ky moment Kukësi toleroi disi dhe Partizani arriti vetëm të ngushtonte diferencat me Solomon, por pa shmangur humbjen, e cila i dërgon në vendin e tetë në renditje, pas fitores 1-0 të Bylisit me Teutën. Ky pozicion nëse do te ishim në fund te kampionatit do të thoshte play-of për të dalë nga kategoria për Partizanin, skuadrën ende kampione në fuqi të Superigës.

Me këto rezultate rrezikojnë jo vetëm te kuqtë por edhe trajneri Sormani, i cili duket se nuk po e menazhon dot skuadrën.

Ndërkohë Tirana, ekipi tjetër i kryeqytetit, po marshon frikshëm drejt titullit. Në transfertën e Gjirokastrës bardheblutë kanë fituar me rezultatin 0-5, duke ruajtur diferencën +9 nga Kukësi ndjekës 8 javë para përfundimit të kampionatit. Golat për Tiranën i realizoi Vangjeli, Kobinah, Hasani, Batha dhe Dunga.

Sakaq në takimet e tjera Laçi shkërmoqi 5 me 2 Vllazninë, ndërsa Flamurtari u mposht 0-1 nga Skënderbeu. Të gjitha takimet e kësaj jave u luajtën të dielën duke filluar nga ora 17:00.

/b.ha./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    23 Dhjetor, 23:33

    Opozita proteston duke paralizuar 3 orë Tiranën, si e vlerësoni?

Lajme të tjera



×

Lajmi i fundit

Sondazhi i Tiranës, PS i qëndron 18 mandateve, zbret PD me 4 deputetë! Surprizë partitë e reja me 8 mandate, fundoset PL-ja

Sondazhi i Tiranës, PS i qëndron 18 mandateve, zbret PD me 4 deputetë! Surprizë partitë e reja me 8 mandate, fundoset PL-ja

25 Dhjetor, 22:46