Partizani presion Tiranës, Colella: VAR-i funksionon vetëm në fushën tonë, Bylisi s'e meriton rënien

Partizani presion Tiranës, Colella: VAR-i funksionon vetëm në fushën tonë, Bylisi s'e meriton rënien

Giovanni Colella, trajneri i Partizanit

Partizani fitoi 2-1 me Bylisin për javën e 30-të në Superligë. Dueli që uli siparin e këtij raundi e dërgoi edhe njëherë diferencën mes Tiranës kryesuese dhe ndjekësve të kuq në pesë pikë, duke mbajtur hapur garën për titullin kampion. Golat për Partizanin u shënuan nga Rrapaj dhe da Silva (11 m), teksa Esquerdinha barazoi përkohësisht te Bylis. Pas ndeshjes për Oversport foli trajneri i Partizanit, Giovanni Colella. Italiani kritikoi VAR-in, ndërsa tha edhe fjalë të mira për Bylisin.

“Iu kujtoj të gjithëve që jemi 5 pikë larg kreut kur kanë mbetur edhe 6 ndeshje nga përfundimi i kampionatit. Jam i kënaqur me lojën e skuadrës, nuk bëmë një paraqitje të keqe. Nuk ishim perfektë, por nuk kemi qenë ndonjëherë perfekt këtë sezon. Partizani nuk ka çfarë të ndryshojë, Tirana duhet të humbasë ndonjë pikë.

Edhe ndaj Laçit nuk bëmë një ndeshje të keqe. Jam i kënaqur me zëvendësimet, por edhe në ndeshjet e kaluara ata që janë futur gjatë lojës kanë bërë mirë. Mendoj që ndërrimet që bëjmë janë efikase, skuadra vrapon në çdo ndeshje. Ndoshta në ndeshjen e ardhshme do të marrim me vete VAR-in tonë.

Mendoj që në ndeshjet që luajmë në shtëpi VAR funksionon mirë, ndërsa në transfertë nuk funksion edhe aq mirë. Ndoshta duhet të marrim VAR-in e fushës sonë edhe kur luajmë jashtë. Bylisi është një nga skuadrat që luan më mirë futboll dhe nuk meriton që të zbresë nga kategoria”, tha Colella.

S.DH/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Si do jenë ndryshimet në Kodin Zgjedhor që do bëjnë PS-Rithemelimi?



×

Lajmi i fundit

Një shesh në Tiranë do të mbajë emrin e Dr. Florit, ja ku ndodhet

Një shesh në Tiranë do të mbajë emrin e Dr. Florit, ja ku ndodhet