Partizani sfidon Vllazninë, Dervishi:
Do luftojmë deri në fund për titullin

Nesër Partizani do të jetë në një provë shumë të vështirë në Shkodër përballë Vllaznisë, teksa përpos faktit që do të luhet në një fushë të rënduar nga kushtet e këqija atmosferike të ditëve të fundit do të ketë një rival që të lehtë për të mposhtur, pasi në vitet e fundit i ka hapur gjithmonë punë, madje edhe në shtëpi.

Vllaznia në drejtimin e Cungut duket se ka nisur një erë tjetër, pasi mundi Skënderbeun në Shkodër. Pavarësisht humbjes në Durrës, kuqeblutë janë një ‘kockë’ e fortë për t’u mundur. Një gjë të tillë e di mjaft mirë edhe drejtori i përgjithshëm i të kuqve, Dritan Dervishi, që e vlerëson maksimalisht sfidën e nesërme, ku tre pikët janë ultimatum për Agostinellin.

“Vllaznia është një kundërshtar i vështirë dhe këtë gjë e tregoi duke mundur 1-0 Skënderbeun. Duhet të japim maksimumin për të fituar. Partizani dhe e ka për detyrë të shkojmë për fitore në çdo fushë, pavarësisht se në kampionat nuk ka skuadra të lehta. Partizani do luftojë deri në javën e fundit për të fituar titullin kampion dhe ne nuk dorëzohemi”.


d.b/shqiptarja.com