POP 5

Lajmet më të lexuara të 5 minutave të fundit

Sport

VIDEO/ Partizani shkëlqen në vitrinën Champions League, kampionët e Shqipërisë dominojnë BATE Borisov! 2 gola në ‘Air Albania’

Partizani barazoi 1-1 me BATE Borisov në turin e parë kualifikues të Champions League. Ndeshja e zhvilluar në “Air Albania” pa kampionët e Shqipërisë të dominonin kundërshtarët bjellorus, teksa për të kuqtë goli u shënua nga Tedi Cara. Ndeshja nisi më mirë për miqtë, që treguan se jo më kot janë në aktivitet dhe kampionati në vendin e tyre ka filluar

Partizani barazoi 1-1 me BATE Borisov në turin e parë kualifikues të Champions League. Ndeshja e zhvilluar në “Air Albania” pa kampionët e Shqipërisë të dominonin kundërshtarët bjellorus, teksa për të kuqtë goli u shënua nga Tedi Cara. Ndeshja nisi më mirë për miqtë, që treguan se jo më kot janë në aktivitet dhe kampionati në vendin e tyre ka filluar.

Me kalimin e minutave, Partizani rriti lojën dhe ia doli të krijojë disa raste të pasta me Carën, Mba dhe Murataj, por pa mundur të shënojë, me pjesën e parë që u mbyll me rrjeta të paprekura.

Pjesa e dytë nisi me gol për miqtë, që pas një hutimi të prapavijës së kuqe shënuan me Antilevskin në minutën e 58-të. Partizani pas golit të pësuar shtoi lojën në sulm dhe gjeti golin e barazimit me Carën në të 66 minutë. Asisti i Murataj u shfrytëzua mirë nga kavajasi që përshëndeti rrjetën.

Në minutat në vijim, trajneri i Partizanit Zekic hodhi në fushë Mensah, Grezdën dhe Telushin, teksa për t’u përmendur është shtylla e Murataj.

Në fund 1-1, me ndeshjen e kthimit që do jetë pas një jave në fushën neutrale të Mezokovesd në Hungari, për të përcaktuar skuadrën që do kalojë më tej në raundin e dytë, me Partizanin që tregoi se është “kockë e fortë” në Champions.

M.Q./r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Autogoli..: 12/07/2023 11:55

    2 gola dhe Partizani paska ‘dominu’,por del që ka mbaru 1-1.. Hajde gazetar hajde…

    Përgjigju
  • Sondazhi i ditës: 27 Janar, 09:30

    A mendoni se vota e diasporës do të jetë përcaktuese në zgjedhje?

Lajme të tjera



×

Lajmi i fundit

Dita e parë në detyrë e kreut të Pentagonit, paralajmëron ndryshime të thella

Dita e parë në detyrë e kreut të Pentagonit, paralajmëron ndryshime të thella

27 Janar, 18:02