Trajneri i Partizanit, Duro shprehet optimist për një rezultat pozitiv me Apoloninë, por kjo mund të vijë nëse nuk do të neglizhohet kundërshtari, pasi sipas tij muaji Prill do të jetë vendimtar për titullin.

“E rëndësishme është të mos humbasim përqendrimin në çdo takim pasi kampionati ka hyrë në fazën më delikate. Apolonia pavarësisht pozitave në të cilat ndodhet është një kundërshtar që duhet vlerësuar.

I gjithë presioni bie mbi Partizanin, ndaj duhet të tregohemi shumë të kujdesshëm. Në luftën për titull deri në fund do të mbeten katër ekipet të cilat kanë treguar qëndrueshmeri përgjatë gjithë kampionatit. Mendoj se muaji Prill do të jetë përcaktues për fatet e titullit kampion” deklaroi Duro.


d.b/shqiptarja.com