POP 5

Lajmet më të lexuara të 5 minutave të fundit

Sport

Partizani superkampion, trajneri Abilaliaj: Fanella e rëndë bën të vetën! Keko: Dua të fitoj sa më shumë trofe

Për herë të tretë në histori Partizani është fituesi i Superkupës së Shqipërisë. Pas ndeshjes trajneri Abilaliaj tha se fanella e rëndë e klubit, por edhe fati bënë që të kuqtë të fitonin. Shumë të lumtur për trofeun ishin edhe futbollistët.

Partizani është Superkampioni i Shqipërisë. Të kuqtë fituan 1-0 edhe pse me shumë vështirësi finalen e Superkupës kundër Egnatias. Një gabim i portiere Sherri, u shfrytëzua në maksimum nga Arianldo Rrapaj, fituesi i Topit të Artë në Superligë, i cili i dha trofeun e tretë në histori Partizanit.

“Unë isha besimplotë sepse kur bëhet fjalë për trofe pesha e fanellës së Partizanit është ndryshe. Edhe Egnatia ka vlera, por ka të bëjë edhe historia, mentaliteti. Fati na buzëqeshi ne dha jam i kanqur në këtë aspekt,”-tha Arbër Abilaliaj, trajner i Partizanit.

Protagonistët e ekipit 'demat e kuq', thonë se trofeu ishte mëse i merituar.

“Mendoj që sot e dinim përgjegjësinë që kishim mbi supa dhe dhamë maksimumin. Morëm trofeun, që ishte shumë i rëndësishëm. Mendoj se e merituam,”-u shpreh Valentin Murataj, kapiten i Partizanit.

“Jam shumë i lumtur për këto trofe me Partizanin dhe shpresoj të ketë edhe të tjerë sespse sapo e kam nisur kaerrierën me Partizanin,”-deklaroi Albers Keko, futbollist i Partizanit.

“E dinim që është një kundërshtar shumë i vështirë dhe në këtë mënyrë e kishim përgatitur ndeshjen. Ishte me një përballje, finale dhe ekipi që bën më pak gabime fiton. E morëm atë që deshem dhe tani shohim përpara,”-tha Gjelbrim Taipi, futbollist i Partizanit.

Partizani e luajti Superkupën si kampion i Superligës, ndërsa Egnatia ishte fituese e Kupës.

Ne.k./KT/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Si e vlerësoni funksionimin e Gjykatave dhe Prokurorive në qarqe?

Lajme të tjera



×

Lajmi i fundit

FOTO/ Tornadot godasin SHBA-në, shkaktojnë dëme të mëdha

FOTO/ Tornadot godasin SHBA-në, shkaktojnë dëme të mëdha

27 Prill, 18:44