Partizani ka vendosur që stadiumi i tyre të quhet "Arena e Demave", kjo sipas nofkës që të kuqtë kanë. Gjithçka është zyrtarizuar në kanalet zyrtare të komunikimit, me klubin që ka njoftuar se përballja e sotme e moshave U-14 kundër Skënderbeut do luhet në këtë stadium, me emrin e ri.
Prej disa ditësh ishte përfolur edhe ndryshimi i emrit nga Kompleksi "Partizani" në "Arena e Demave". Kujtojmë se 16 herë kampionët e Shqipërisë inauguruan këtë sezon shtëpinë e re, në periferi të Tiranës.
Veç ndeshjes derbi me Tiranën që për shkak të kapacitetit luhet në "Air Albania", të gjitha duelet e tjera të kuqtë tanimë i luajnë në shtëpinë e tyre. Pritet që punimet të vijojnë edhe me dy fusha të reja stërvitore, ndërsa hoteli dhe salla e forcës janë gati. Pritet që Akademia Partizani të ketë një rritje në furnizimin e ekipit të parë me elementet e talentuar, kjo pas funkisonit të plotë të investimit.
![](https://shqiptarja.com/template/img/NO_ALFA_Kuadrate shqiptarja.png)
Njoftimi i klubit
Komente
![](https://shqiptarja.com/template/img/antipiracynote.jpg)
![](https://www.shqiptarja.com/template/img/sh_logo1.png)
Zgjedhja e ketij lloj emri te ben te kuptosh nje nga arsyet e shumta pse nuk kemi futboll te suksesshem.Vetem logjika e nje 5 vjecari do te preferonte nje emer te tille.Shpresojme te mos corodisim turistet spanjolle kur t'ju perkthehet emri.
Përgjigju