Pas një dekade nën drejtimin e norvegjezit Jens Stoltenberg, NATO ka zyrtarisht një udhëheqës të ri.
Stoltenberg i dorëzoi këtë të martë detyrën e Sekretarit të Përgjithshëm të Organizatës së Traktatit të Atlantikut Verior, ish kryeministrit holandez, Mark Rutte. Në ceremoninë e dorëzimit të detyrës, Stoltenberg tha se pasardhësi i tij holandez ka aftësitë dhe eksperiencën e përsosur për të drejtuar aleancën.
"Mark ka sfondin e përsosur për t'u bërë një sekretar i përgjithshëm i madh. Ai ka shërbyer si kryeministër për 14 vjet dhe ka udhëhequr katër qeveri të ndryshme koalicioni, kështu që ai di të bëjë kompromise, të krijojë konsensus dhe këto janë aftësi që vlerësohen shumë këtu në NATO”, tha ai.
Holandezi Rutte u shpreh entuziast për detyrën kryesore të NATO-s, që iu besua nga vendet anëtare, duke thënë se mezi po pret të fillojë nga puna.
Ai theksoi se prioritetet e tij do të ishin mbështetja e NATO-s për Ukrainën, forcimi e aleancës dhe forcimi i partneriteteve që aleanca ka krijuar me vende të tjera anembanë botës, veçanërisht në Azi dhe Lindjen e Mesme. Si një kritik i i palëkundur i presidentit rus Vladimir Putin, Rutte tha se rruga e anëtarësimit të Ukrainës në NATO është e pakthyeshme.
“Nuk mund të ketë siguri afatgjate në Evropë pa një Ukrainë të fuqishme dhe të pavarur. Ne duhet të sigurohemi që Ukraina të triumfojë si një shtet sovran, i pavarur dhe demokratik”, tha Rutte në fjalimin e tij të parë nga zyra e re, teksa përsëriti zotimin e bërë nga udhëheqësit e aleancës më 2008 se “vendi i merituar i Ukrainës është në NATO
Rutte nënvizoi gjithashtu rëndësinë e mbajtjes së fortë të lidhjes transatlantike midis Shteteve të Bashkuara, Kanadasë dhe Evropës dhe shprehu besimin se ai mund të punojë mirë me këdo që zgjidhet në Shtëpinë e Bardhë.
Ai vlerësoi ish presidentin Donald Trump, për nxitjen e aleatëve të NATO-s për të investuar më shumë në fushën e mbrotjes. Gjithashtu e përshkroi zëvendëspresidenten Kamala Harris si "një udhëheqëse shumë të respektuar".
"Unë i njoh shumë mirë të dy kandidatët. Do të jem në gjendje të punoj me të dy, cilido qoftë rezultati i zgjedhjeve", tha ai.
Rutte qeverisi për 14 vjet Holandën, duke u bërë kështu udhëheqësi më jetëgjatë i vendit të tij. Nga kjo e hënë 57-vjeçari është sekretari i 14-të i përgjithshëm i NATO-s dhe holandezi i katërt që mban këtë post
Presidenti i Republikës, Bajram Begaj dhe Ministri i Jashtëm Igli Hasani
Mark Rutte ditën e sotme mori zyrtarisht detyrën si drejtues i NATO-s nga paraardhësi i tij, Jens Stoltenberg, dhe ka një mandat 10-vjeçar në krye të Aleancës politiko-ushtarake më të madhe në botë.
Pas marrjes zyrtarisht të detyrës, për Rutte nuk kanë munguar urimet edhe nga politika shqiptare, ku Presidenti i Republikës, Bajram Begaj, teksa e uroi për detyrën si Sekretar i Përgjithshëm i NATO-s, shprehi besim se, nën drejtimin e tij, Aleanca do të jetë me e fortë.
“Shumë urime Mark Ruttes, Sekretarit të Përgjithshëm të NATO-s! Jam i sigurt se, në drejtimin e tij, NATO do të jetë më gjithëpërfshirëse, më e bashkuar, më e fortë”, shkruan Presidenti në mesazhin e urimit në platformën X.
Ndërkohë, një urimin për Rutte e bëri edhe ministri i Jashtëm Igli Hasani, i cili përmes një postimi në aplikacionin X shkruan se nën udhëheqjen e tij NATO do të forcohet edhe më shumë.
“Urime Mark Rutte për marrjen e rolit të Sekretarit të Përgjithshëm të NATO-s. Udhëheqja juaj do të jetë thelbësore në forcimin e mëtejshëm të Aleancës sonë në një kohë vendimtare për unitetin transatlantik”, shkruan ai.
Lajme të tjera
-
Rama në darkën me ambasadorët për festat e fundvitit: Shqipëria nuk ka plan B, vetëm anëtarësimin në BE! Presidenti i ri i SHBA-ve sjell mundësi të reja
24 Dhjetor, 18:26 -
Shefi i NATO-s i shqetësuar për sigurinë afatgjate të aleancës
23 Dhjetor, 16:58 -
NATO trajnon trupat ushtarake ukrainase në Lituani dhe Poloni
22 Dhjetor, 21:59 -
Marrëveshja për emigrantët, Meloni mbledh nesër qeverinë: Më duket se Kasacioni na ka dhënë të drejtë
22 Dhjetor, 11:51 -
Ilir Yzeiri: Teksti i Edi Ramës dhe fshati i madh shqiptar
21 Dhjetor, 19:45
-
Bazë e re ushtarake e SHBA-së në Poloni! Sistemi i ri për mbrojtjen nga raketat përforcon krahun lindor të NATO-s
21 Dhjetor, 18:42 -
Trump do t’u kërkojë vendeve të NATO-s të rrisin shpenzimet për mbrojtjen në 5% të PBB-së
21 Dhjetor, 16:55 -
Lufta në Ukrainë/ Orban: Ka një plan për paqe në tavolinë, Zelensky të vendosë! Presidenti ukrainas: Duam garanci, Europa duhet e unifikuar
19 Dhjetor, 12:45
-
Shqipëria dërgon ushtarë në komandën e NATO-s për të trajnuar forcat e Armatosura të Ukrainës
18 Dhjetor, 18:08 -
Medvedev kërcënon zyrtarët e NATO-s, pas vrasjes së gjeneralit rus
18 Dhjetor, 16:43 -
'Jeni zgjedhur pa asnjë kushëri dhe parti', Rama me stafin civil e ushtarak shqiptar në NATO: Kushedi sa italianë e gjermanë keni lënë pa punë
17 Dhjetor, 19:50 -
Kryeministri Rama takim me kreun e NATO-s Mark Rutte: Mbështetës i paepur i Shqipërisë
17 Dhjetor, 17:40
