Pas 100 vitesh, Parisi rikthen notin në lumin Sena! Projekti për pastrimin e ujit të ndotur kushtoi 1.4 miliard dollarë

Kryeqyteti i Francës, Parisi është në fazën finale të pastrimit që do t’ua mundësojë notuesve dhe zhytësve notin në Lumin Sena.

I ndaluar për një shekull, për shkak të ujit të ndotur, noti do të mbetet trashëgimi e Lojërave Olimpike Verore, që do të mbahen në këtë qytet vitin e ardhshëm.

Projekti në vlerë të 1.4 miliard dollarëve është konsideruar si sukses në shumë vende të botës.

“Kur njerëzit t’i shohin atletët në Senë, pa probleme shëndetësore, edhe ata do të binden që t’i kthehet lumit”, ka thënë Pierre Rabadan, zëvendëskryetar i Parisit, i ngarkuar me përgatitjet për Olimpiadë.

“Është kontribut për të ardhmen tonë”.

Sikurse edhe shumë vende tjera perëndimore, Parisi e ka përjetuar degradimin e pastërtisë së ujit, për shkak të ujërave të zeza industriale dhe kërkesave sanitare të një popullsie në rritje.

Bota ujore është goditur në masë të madhe, pasi në vitet 1960 në këtë lumë janë identifikuar vetëm tri lloje të peshqve./REL

G.MO/Shqiptarja.com

TAG:
• france
• Paris