POP 5

Lajmet më të lexuara të 5 minutave të fundit

Politikë

Pas 2 vitesh, opozita kthehet nesër në parlament! PD mbledh pak para seancës deputetët! Asnjë takim me LSI që pas 25 prillit

Opozita rikthehet nesër në parlament pas bojkotit të bërë dy vite më parë. Por teksa duken gati për t’u rikthyer në institucione, PD nuk është shprehur zyrtarisht lidhur me futjen në parlament të Sali Berishës, gjithashtu dy partitë e opozitës parlamentare nuk kanë zhvilluar mbledhje paraprake me deputetët e tyre. PD mësohet se ditën e nesërme do të zhvillojë një mbledhje me deputetët e saj, pak para nisjes së seancës parlamentare.  

TIRANË- PD e LSI dy vite e gjysmë më parë zgjodhën të linin jetën parlamentare dhe të vijonin betejën jashtë institucioneve.  PD si udhëheqësja e koalicionit u ndoq pa hezitim nga aleatja më e madhe, LSI dhe partitë e tjera opozitare. Megjithatë, rikthimi në tempullin e ligjvënësve gjen në pozita të tjera partitë opozitare.

Partia Demokratike, LSI dhe aleatët futen të premten në parlament, pa zhvilluar asnjë mbledhje mes tyre për të dakordësuar një strategji opozitare të përbashkët.

PD nuk ka zhvilluar asnjë mbledhje paraprake as me deputetët e saj, por pritet që mëngjesin e së premtes demokratët të zhvillojnë një takim në seli, përpara se t’i bashkohen deputetëve të tjerë në parlament. Selia blu është shprehur qartë me anë të udhëheqësit të saj, se pas 10 shtatorit do të përqëndrojë energjitë te propozimi i një sërë ndryshimesh ligjore e kushtetuese. Report Tv ka mësuar se draftet paraprake për reformim zgjedhor e territorial, do të nisin të propozohen që në tetor. 

Pavarëisht retorikës politike e debateve që do të prodhojë nga foltorja, gjasat janë që PD në parlament të tregohet konstruktive. Ashtu sikurse ka pohuar vazhdimisht, Sali Berisha do të jetë prezent në seancën e parë plenare. 

LSI ndonëse ndryshe nga PD pranoi se gaboi në djegien e mandateve, nuk është shprehur lidhur me qëndrimin që do të mbajë në parlament. 4 deputetët e saj nuk kanë zbuluar nëse do ta mbështesin  partnerin demokrat në ndryshimet që do të propozojë. Megjithatë nëse do të dojë të bëhet vetë nismëtare e ndryshimeve ligjore, LSI-së i duhet ndihma e PD për të formuar grupin parlamentar. Po ashtu edhe aleatët të cilët një ditë më parë, u dakordësuan mes tyre për një grup të përbashkët, të cilit Lulzim Basha duhet t’i dhurojë po ashtu deputetë. 

B.K./KT/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    26 Dhjetor, 08:05

    Si ka qenë për ju viti 2024?

Lajme të tjera



×

Lajmi i fundit

Austri/ Orteku vret 2 skiatorë në alpet e Tirolit, kërkime dhe për një të tretë

Austri/ Orteku vret 2 skiatorë në alpet e Tirolit, kërkime dhe për një të tretë

26 Dhjetor, 20:11