Barack Obama do të vizitojë Hiroshimën këtë muaj. Obama është president i parë amerikan që do të vizitojë qytetin japonez, që prej vitit 1945 kur Hiroshima u godit nga një bombë bërthamore amerikane.

Vizita do të jetë pjesë e një turi në Azi nga datat 21 deri në 28 maj. Presidenti amerikan do të vizitojë edhe Vietnamin.

Bombardimi i Hiroshimës ndodhi me 6 gusht 1945 dhe i mori jetën 140.000 personave.

Sipas BBC raportohet, se nuk do të kërkohet falje nga Shtëpia e Bardhë për sulmin bërthamor të vititt 1945.

Në një deklaratë për shtyp nga sekretari i shtypit të Obamës thuhet se presidenti do të bëjë një vizitë historike në Hiroshima me kryeministrin Shinze Abe për të theksuar angazhimin e tij të vazhdueshëm për paqen dhe sigurinë në botë.

Redaksia Online 
(xh.k/shqiptarja.com)