“Hardwired...To Self-Destruct” është titulli i albumit të njëmbëdhjetë të Metallica, i cili do të publikohet me datë 18 nëntor të këtij viti. Ky album është prezantuar përmes këngës me të njëjtin titull dhe do të përmbajë 80 minuta muzikë.
 
Pas 8 vitesh mungesë grupi me vokalist-kitarist James Hetfield, baterist Lars Ulrich, kitarist Kirk Hammett dhe basist Robert Trujillo ka entuziazmuar fansat në mbarë botën. Albumi i fundit i Metallica është "Death Magnetic" i publikuar në vitin 2008.