X

POP 5

Lajmet më të lexuara të 5 minutave të fundit

Kronikë

Soreca takim me kreun e BKH-së, Aida Hajnaj: Lufta kundër krimit të organizuar është thelbësore për rrugën drejt BE-së

Pas hapjes së garës për 60 hetuesit e Byrosë Kombëtare të Hetimit, ka zbarkuar në BKH ambasadori i Bashkimit Europian në Tiranë, Luigi Soreca. Soreca po bën takim me drejtuesen e të të ashtëquajturës FBI-ja shqiptare, Aida Hajnaj. Një ditë më parë kjo e fundit priti në zyrë bashkë me kreun e SPAK, Arben Kraja, ambasadoren e SHBA, Yuri Kim.

Një ditë pas takimit të ambasadores amerikane Kim me kreun e BKH-së Aida Hajnaj, edhe ambasadori i BE, Luigi Soreca ka "zbarkuar" në zyrën e saj këtë të mërkurë (9 shtator).

BE do të mbështesë kompletimin e Byrosë Kombëtare të Hetimit por nuk dihen ende temat specifike të diskutimit mes diplomatit dhe Hajnaj.

Gazetari i Report TV, Arsen Rusta bën me dije se Aida Hajnaj do të vijojë me disa takime të tjera me diplomatë të tjerë në ditët në vazhdim.

Ndërkohë ditën e djeshme (8 shtator), ambasadorja Kim zhvilloi takim me Aida Hajnaj dhe kreun e SPAK, Arben Kraja ku fokusi i takimit ishte përzgjedhja e 60 hetuesve të FBI-së shqiptare.

Përveç ambasadores, të pranishëm ishin edhe ekpertë të FBI-së të cilët do të merren me përzgjedhjen e agjentëve shqiptar.

Report Tv mësoi se pjesë e diskutimeve ndërmjet Kim, Krajës dhe Hanjajt kanë qenë edhe hetimet e hapura nga të cilat pritet rezultat si proçese korrupsioni dhe narkotrafiku e pastrim parash.

Pas takimit, Kim nuk preferoi të prononcohej për mediat teksa vetëm disa orë më pas ajo postoi në Tëitter teksa tha se BKH ka mbështetje të plotë nga ShBA.

 

Rendit zhvillimet sipas orarit:
Ora 12:50
Soreca pas takimit me Hajnajn: Lufta kundër krimit të organizuar është thelbësore për rrugën drejt BE-së

1599648738_sorecahajnaj.jpg

Pas takimit me kreun e BKH-së, Aida Hajnaj, ambasadori Luigi Soreca ka reaguar në Twitter.

Ai shkruan se gjatë takimit ka konfirmuar mbështetjen e Bashkimit Europian për prioritetet e byrosë që janë lufta kundër krimit të organizuar dhe korrupsionin.

Soreca gjithashtu shkruan se puna e SPAK është shumë e rëndësishme për të arritur qëllimin e përbashkët.

"Sot takova drejtoreshën e BKH-së znj. Aida Hajnaj për të konfirmuar mbështetjen e BE-së dhe për të diskutuar përparësitë e Byrosë. Luftimi i krimit të organizuar dhe korrupsionit vazhdon të jetë një përparësi kryesore për dhe në rrugën e tij të pranimit. Puna e SPAK është thelbësore për të ndjekur këtë qëllim vendimtar" - shkruan Soreca në Twitter.

Makina e Luigi Soreca pranë BKH-së

/G.M./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Qytetari: 09/09/2020 15:07

    Futni ne burg politikanet qe kane ba krime gjate 30 viteve se ndryshe nuk zvogelohet krimi,Duke mos u ndeshkua asnje politikan lulzon me shum krimi.Jan fjale te mesuara permendsh por pa veprime jena mesu me rrena nuk besojm ma

    Përgjigju
  • Surreli: 09/09/2020 12:19

    Pjese e diskutimeve nuk mund te jene Hetimet e hapura, sidomos per nje te huaj. Pasiqe shkelet i ashtuquajturi Sekret Hetimor.

    Përgjigju
  • Sondazhi i ditës:

    A ka politika frikë nga SPAK-u?

Lajme të tjera



×

Lajmi i fundit

Protesta/ Nga ora 09:45 bllokim qarkullimi në bulevardin pranë Bashkisë së Tiranës! Policia thirrje: Shmangni aktet e dhunës

Protesta/ Nga ora 09:45 bllokim qarkullimi në bulevardin pranë Bashkisë së Tiranës! Policia thirrje: Shmangni aktet e dhunës

26 Prill, 07:32