POP 5

Lajmet më të lexuara të 5 minutave të fundit

Sport

Pas Barcelonës ngec edhe Reali Madridit, Atletico kryeson La Liga-n që në javën e dytë! Lukaku nderon Chelsea-n në derbin me Arsenal

Pas dy javësh kampionat Atletiko Madrid ka marrë kryesimin e La Ligas, pasi Reali i Madridit nuk ka shkuar më shumë se barazimi 3-3 kundër Levantes. Ndërkohë në Premier League Lukaku ka gjetur golin e parë me Chelsean dhe për pasojë blutë kanë fituar derbin e Londrës kundër Arsenal.

Real Madrid ka imituar Barcelonën në javën e dytë të La Liga-s, pasi ka barazuar 3-3 një ndeshje dramatike me Levante-n në transfertë. ‘Galaktikët’ krijuan iluzionin e një ndeshje të thjeshtë, pasi që në minutën e 5 zhbllokluan me Garreth Bale, por me fillimin e pjesës së dytë vendasit përmbysën me Roger dhe Campana. Në kushtet e një goditje të rëndë Reali mori masat dhe pas zëvendësimit Vinicius Junior fillimisht barazoi shifrat në 2-2. Kur pritej përmbysja vendasit kaluan edhe njëherë në avantazh me Rober Pier, ndërsa heroin për ekipin e Ancelotti-t do ta bënte Vinicius sërish që vulosi shifrat përfundimtare në 3-3 në minutën e 85.

Në këto kushte Atletico Madrid, skuadra kampione e La Liga, krijon shkëputjen me 2 pikë nga ndjekësit që në javën e dytë të sezonit të ri, pasi të besuarit e Simeones fituan 1-0 kundër Elches. Në Ëanda Metropolitano ‘el colchoneros’ u nderuan edhe një herë nga Correa, që realizoi golin trepikësh në minutën e 39. Pas dy ndeshjeve të parë Atketico Madrid udhëheq kampionatin me 6 pikë.

Ndërkohë në Premier League Chelsea ka fituar 0-2 derbin e Londrës kundër Arsenal. Në ‘Fly Emerites’ supersfidën e zhbllokoi Romelu Lukaku, futbollisti i blerë nga Chelsea te Interi për 120 milionë euro. Golin tjetër të derbit e realizoi talenti James, duke vulosur edhe tre pikët e kësaj sfide për të besuarit e Tuchel që këtë fillim sezoni duket thjeshtë të pandalshëm.

Ndryshe nga Chelsea, te Arsenal ambienti është shumë pessimist, aq sa trajneri Arteta rrezikon shkarkimin që në javën e dytë. ‘Topçinjtë’ ende se kanë marrë pikën e parë në kampionat, ndërsa javën e ardhshme do përballen me kampionët e Manchester Cityt.

Ne.k./KT/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 21 Janar, 08:38

    14 vite nga vrasja e 4 protestuesve, do bëjë SPAK drejtësi për 21 janarin?

Lajme të tjera



×

Lajmi i fundit

Forumi ekonomik, Kurti lajmëron nga Davosi marrëveshjen me Norvegjinë

Forumi ekonomik, Kurti lajmëron nga Davosi marrëveshjen me Norvegjinë

22 Janar, 15:46