Partia Demokracia Sociale e Paskal Milos është tërhequr nga zgjedhjet e 25 prillit. Lajmi është konfirmuar për Report Tv nga vetë drejtuesi i kësaj force politike Paskal Milo.

Paskal Milo ishte në negociata me Partinë Socialiste dhe Lëvizjen Socialiste për Integrim, ndërkohë që ka nënvizuar se angazhimi i tij politik do të vazhdojë.

‘Tërheqja ka ndodhur për shkak të dështimit të negociatave me faktorët politikë të së majtës. Angazhimi im politik do të vazhdojë‘- ka pohuar Milo.

Dje ishte afati i fundit për dorëzimin e listave të kandidatëve për deputetë për zgjedhjet e 25 prillit, të cilat partitë kryesore i dorëzuar pak pas mesnate.

Rreth orës 23:10 numri dy i PS, Taulant Balla bëri publike listën e kandidatëve me të cilët do të përfaqësohet në zgjedhjet e 25 prillit. Sakaq LSI i bëri publike listat dje rreth mesditës, të cilat u lexuan nga kryetarja e Monika Kryemadhi.