POP 5

Lajmet më të lexuara të 5 minutave të fundit

Kronikë

Pas ditëve të ftohta, fundjavën e ardhshme pritet rikthimi i reshjeve të shiut! KESH: Po marrim masa t’i paraprijmë situatës

Pas temperaturave të ulëta dhe ditët e ftohta që po kalon vendi ynë, pritet rikthimi i reshjeve të shiut. KESH njofton se reshjet e shiut do të rikthehen gjatë fundjavës së ardhshme ku për datat 22-26 janar priten reshje intensive në vend.

Pas ditëve të ftohta, fundjavën e ardhshme pritet rikthimi i reshjeve të shiut! KESH: Po marrim masa t’i paraprijmë situatës

Foto ilustruese

Pas temperaturave të ulëta dhe ditët e ftohta që po kalon vendi ynë, pritet rikthimi i reshjeve të shiut.

KESH njofton se reshjet e shiut do të rikthehen gjatë fundjavës së ardhshme ku për datat 22-26 janar priten reshje intensive në vend.

Në njoftim bëhet me dije, se prurjet në Hec-et e Fierzës, Komanit dhe Vaut të Dejës priten të rriten ndjeshëm, por autoritetet po ndërmarrin masat e nevojshme për të parandaluar shkarkimet e mëdha të prurjeve natyrore.

Gjithashtu në njoftim thuhet se për shkak të menaxhimit dhe monitorimit të situatës, shkarkimet nuk do kenë ndikim në zonën e nën-Shkodrës.

Reshjet intensive të shiut përfshinë vendin tonë gjatë javës së kaluar ku shkaktoi përmbytje në shumë qytete.

Mijëra hektarë tokë bujqësore u përmbytën në zonën e Shkodrës, Kurbinit e Lezhës ndërkohë që ka pasur rrëshkitje dherash dhe në disa akse nacionale.

Njoftimi i plotë i KESH:

Raportet meteorologjike parashikojnë se për periudhën 22-26 Janar 2021 priten rreshje intensive shiu, në të tre basenet e kaskadës së lumit Drin dhe për pasojë prurjet në Hec Fierzë, Koman dhe Vau Dejës priten të rriten ndjeshëm.

Sekretariti Teknik i Komisionit të Posaçëm të Trajtimit të Plotave vijon punën në marrjen e masave paraprake për ti paraprirë situatës që pritet të vijë në ditët në vijim.

Për këtë arsye, shkarkimet e kontrolluara në Hec Vau Dejës  u rritën nga 300 m3/s në 700 m3/s me synim parandalimin e shkarkimeve të medha në momentet e pikut të prurjeve natyrore.

Shkarkimet do të menaxhohen me kujdes duke ndjekur në dinamikë zhvillimet meteorologjike. Bazuar në informacionin aktual të prurjeve, shkarkimet nuk do të kenë ndikim në zonën e nën-Shkodrës.

KESH, do të vijojë bashkëpunimin me autoritetet përgjegjëse dhe do të mbajë të informuar në mënyrë transparente opinionin publik.

 

E.M./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Kë doni ju që të fitojë zgjedhjet në SHBA?

Lajme të tjera



×

Lajmi i fundit

Milani përballet me Real Madridin, Fonseca: Jemi të motivuar, Leao luan nga minuta e parë

Milani përballet me Real Madridin, Fonseca: Jemi të motivuar, Leao luan nga minuta e parë

5 Nëntor, 15:19