Pas dorëheqjes, Johnson do jetë i dërguari special në Ukrainë?

Zyrtarët duan që kryeministri të marrë një rol të madh si lidhës diplomatik midis aleatëve perëndimorë dhe vendit të shkatërruar nga lufta.
Kjo do t'i lejonte atij të ndërtonte marrëdhëniet e tij të ngushta me presidentin e Ukrainës Volodymyr Zelesnky dhe të ruante një pozicion të fuqishëm në skenën botërore, sipas "The Sun".

Nëse Johnson pranon, kjo do të sigurojë gjithashtu që ai të vazhdojë të veprojë si një “irritues i madh” për despotin rus Vladimir Putin.

Lëvizja, e cila po konsiderohet në nivelet më të larta është propozuar nga ish-këshilltarë të lartë të qeverisë. Një grup ish-këshilltarësh të lartë të strategjisë dhe oficerëve ushtarakë besojnë se Johnson do të ishte ideal për këtë post për shkak të qëndrimit të tij unik dhe njohurive për të gjitha palët kryesore.

Profesori Gëythian Prins, një ekspert në strategjinë ushtarake dhe një këshilltar i Shefit të Shtabit të Mbrojtjes, thotë se do të siguronte një “urë të artë” nga Doëning Street për Kryeministrin.

Në këtë drejtim, vë në pah mediumi britanik, plani për një rikthim të shpejtë në qendër të vëmendjes politike i është propozuar ekipit të zotit Johnson, kabinetit të Mbretërisë së Bashkuar dhe zyrtarëve të lartë të Ukrainës. Ata e shohin luftën kundër Putinit si në një fazë kritike, ku një figurë e madhe si zoti Johnson mund të ndihmojë në ndryshimin e ngjarjeve.

Ai do të vepronte si një ndërmjetës për lëvizjen e armëve dhe ndihmën ushtarake midis Perëndimit dhe Ukrainës dhe të merrte gjithashtu një rol në çdo bisedim të ardhshëm të paqes.

 

Lajmi kryesor:

Lufta/ 7000 ushtarë ukrainas janë zhdukur! Erdogan bisedon me Putin për hapjen e korridorit për eksport

S.C/Shqiptarja.com

TAG:
• lufta ne ukraine
• rusia sulmon ukrainen