SHIJAK- Pas fitores së Partisë Socialiste në zgjedhjet e 23 qershor, deputeti Blendi Klosi, zgjedh të heqë mjekrën në mënyrë simbolike. Në faqen e tij në rrjetin social “Facebook”, Klosi shkruan se “mjekrën e ka mbajur plot tre vite për t’u kujtuar se PS kishte një mision për të përmbushur”.
 
“Mbas plot 1000 ditësh, dje në Shijak, vendosa të heq mjekrën. Një simbol të grevës madhështore të urisë. E mbajta plot tre vjet për t’u kujtuar se kishim një mision për të përmbushur sa herë çohesha në mëngjes dhe flija në darkë. Nuk e harrojmë kurrë grevën, por sot falënderoj pafundësisht, këdo që kontribuoi së bashku me Partinë Socialiste në këto 8 vite opozitë. Ju faleminderit Miq!”, shkuan Klosi.

blendi me mjeker
Blendi klosi me mjeker

Redaksia Online
(e.s/shqiptarja.com)