POP 5

Lajmet më të lexuara të 5 minutave të fundit

Politikë

Pas heqjes së fotos, Klinton bashkon
Nishanin dhe Ramën në SHBA

Për herë të parë pas ceremonisë së betimit të Qeverisë së re dhe vendimit të kabinetit “Rama” për heqjen e fotografisë së Presidentit nga zyrat e Shtetit, Kryeministri Rama dhe Presidenti Nishani do të takohen në Nju Jork.
Pas heqjes së fotos, Klinton bashkon<br />Nishanin dhe Ramën në SHBA
SHBA - Për herë të parë pas ceremonisë së betimit të Qeverisë së re dhe vendimit të kabinetit “Rama” për heqjen e fotografisë së Presidentit nga zyrat e Shtetit dhe zëvendësimin me atë të Ismail Qemalit, shefi i ekzekutivit shqiptar Edi Rama dhe kreu i Shtetit, Bujar Nishani, do të takohen në Nju Jork.

Rama dhe Nishani ndodhen në Shtetet e Bashkuara të Amerikës në krye të dy delegacioneve të ndryshme, por që do të jenë bashkë gjatë veprimtarisë “Nisma Globale Klinton 2013” që do të zhvillohet në Nju Jork në datat 23 deri më 26 shtator. 

Kryeministri dhe Presidenti do të jenë pjesë e këtij aktiviteti me ftesë të ish-Presidentit amerikan Bill Klinton - aktivitet i përvitshëm me pjesëmarrjen e personaliteteve nga e gjithë bota - por që këtë vit do të sjellë bashkë dhe dy personalitetet shqiptare, në një kohë kur vendimi për heqjen e fotografisë edhe publikisht nuk u mirëprit nga kreu i shtetit Nishani.

Në krye të axhendës së Kryeministrit Rama do të jetë pjesëmarrja në punimet e Asamblesë së Përgjithshme të Kombeve të Bashkuara.

Kryeministri ka parashikuar gjithashtu edhe disa takime bilaterale me përfaqësues të shteteve të ndryshme, një takim me Sekretarin e Përgjithshëm të OBK-së, Ban Ki Moon, ndërsa do të marrë pjesë në pritjen e organizuar nga shefi i Shtëpisë së Bardhë Barak Obama.

I shoqëruar nga Ministri i Jashtëm, Ditmir Bushati, Rama gjithashtu do të zhvillojë takime me Presidentin e Bankës Botërore Jim Yong Kim; ish-Kryeministrin britanik Toni Bler; do të mbajë një leksion në "Forumin e liderëve botërorë" në Universitetin e Kolumbias si dhe një takim me përfaqësues të komuniteti shqiptar në Nju Jork.

Redaksia online
(ar.sh/shqiptarja.com) 
 

  • Sondazhi i ditës:
    28 Nëntor, 09:20

    A e keni të qartë pse opozita organizon mosbindje civile?

Lajme të tjera



×

Lajmi i fundit

NBA/ Humbje për Cleveland dhe Golden State, Lakers rikthehen te fitorja! Oklahoma kryeson në Perëndim

NBA/ Humbje për Cleveland dhe Golden State, Lakers rikthehen te fitorja! Oklahoma kryeson në Perëndim

28 Nëntor, 12:34