Pas vizitës në Izrael Kryeministri Rama ka mbërritur paraditen e sotme në kryeqytetin e Emirateve të Bashkuara Arabe, ku ka zhvilluar një takim me Presidentin e Emirateve të Bashkuara, Sheikh Mohamed bin Zayed Al Nahyan. Kreu i qeverisë ka publikuar pamje nga takimi, e ndërsa ka zbardhur edhe pikat kyçe të bisedës që ka pasur me Mohamed bin Zayed Al Nahyan.

“Në Pallatin Mbretëror me mikun e çmuar, Presidentin e Emirateve të Bashkuara, Sheikh Mohamed bin Zayed Al Nahyan, për ecurinë e projekteve të bashkëpunimit në fushën e energjisë, turizmit, sigurisë dhe mbrojtjes kibernetike”, shkruan Rama.

Kryeministri Edi Rama ka qenë i shoqëruar nga ministrja e Financave, Delina Ibrahimaj, teksa ka pasur edhe një shkëmbim dhuratash. Rama i ka dhuruar Sheikut librin e tij të pikturave.

Një ditë më parë, Rama ka përmbylluar një vizitë 2-ditore në Jerusalem, ku është takuar me drejtuesit më të rëndësishmë të shtetit dhe politikës atje. 

Rendit zhvillimet sipas orarit:
Ora 16:25
Rama takon Presidentin e Emirateve të Bashkuara: Energjia, turizmi, siguria dhe mbrojtja kibernetike, fokus i bisedave

Kryeministri Edi Rama është takuar me Presidentin e Emirateve të Bashkuara, Sheikh Mohamed bin Zayed Al Nahyan. Në fokus të diskutimeve ka qenë ecuria e projekteve të bashkëpunimit në fushën e energjisë, turizmit, sigurisë dhe mbrojtjes kibernetike

“Në Pallatin Mbretëror me mikun e çmuar, Presidentin e Emirateve të Bashkuara, Sheikh Mohamed bin Zayed Al Nahyan, për ecurinë e projekteve të bashkëpunimit në fushën e energjisë, turizmit, sigurisë dhe mbrojtjes kibernetike”, shkruan Rama.

B.K./Shqiptarja.com