Gjirokastër- Pas ngjarjes së Korçës ku katër persona të maskuar tentuan grabitjen e një shtapie, dy persona të maskuar kanë grabitur punonjësit e një lokali në Gjirokastër.

Ngjarja ka ndodhur në orën 22:00 në parkun e Viroit, ku dy persona të maskuar u shfaqën në momentin që po pronari po mbyllte lokalin.

Grabitësit goditën me mjete të forta 53-vjeçarin Adriatik B., duke i marrë 580 mijë lekë të vjetra dhe dy celularë ‘iPhone 5S’ dhe ‘Samsung’.

Pas marrjes së denoncimit më 12 gusht “blutë” e Gjirokastrës janë duke hetuar për të identifikuar dhe arrestuar autorët.

Njoftimi i policisë:

Dy persona të maskuar kanë grabitur punonjësit e një lokali në Gjirokastër.

Ngjarja ka ndodhur më 11 Gusht, ndërsa denoncimi në polici është bërë më 12 Gusht. Sipas tyre, në orën 22:00 në parkun e Viroit, dy persona të maskuar u shfaqën pas tyre në momentin që po mbyllnin lokalin.

Sapo hipën në makinë, autorët goditën me mjete të forta 53-vjeçarin Adriatik B., duke i marrë 580 mijë Lekë të vjetra dhe dy celularë ‘iPhone 5S’ dhe ‘Samsung’.

Uniformat blu në Gjirokastër janë duke hetuar për të identifikuar dhe arrestuar autorët.