Qeveria e Kosovës ka uruar qytetarët e Kosovës për formimin e Ushtrisë por i është përgjigjur edhe deklaratave të Sekretarit të Përgjithshëm të NATO-s, Jens Stoltenberg, ku shfaqet dukshëm kundërshtimi ndaj votimit të sotëm.
Ajo transmeton përmes një deklarate se vlerëson se e drejta e Kosovës për ushtri buron nga sakrifica dhe liria, nga e drejta e shtetit, nga sovrani dhe vullneti qytetar për të mbrojtur dhe promovuar vlerat properëndimore në Kosovë dhe më gjerë. “Kosova është NATO dhe NATO është Kosovë. Për këtë askush mos të ketë asnjë dyshim. Së bashku me aleatët, NATO-n do të jemi vetëm në shërbim të demokracisë, sigurisë, paqes dhe zhvillimit në Kosovë, rajon e kudo që kërkohet”, shkruhet në tej në deklaratën e Qeverisë.
Qeveria e Kosovës shprehet se me miratimin e Projektligjit për Ushtrinë, konsideron përcaktimin e kompetencave, organizimin dhe funksionimin e FSK-së, si forcë multietnike, profesionale, e armatosur dhe e autorizuar për të shërbyer në vend dhe jashtë vendit, në pajtim me mandatin e dhënë kushtetues dhe ligjor në mbrojtje të integritetit territorial, qytetarëve, pronës dhe interesave të Kosovës.
“Po ashtu, me miratimin e Projektligjit për Shërbimin në FSK ne rregullojmë kushtet e përgjithshme të shërbimit në FSK, si një shërbim i ndërtuar mbi bazën e parimit të ligjshmërisë, profesionalizmit, komandës, disiplinës, respektit, nderit, ruajtjes së informacionit, komunikimit, jo diskriminimit dhe mundësive të barabarta, paanshmërisë politike, transparencës dhe llogaridhënies; me miratimin e Projektligjit për Ministrinë e Mbrojtjes, ne riorganizojmë dhe kalojmë nga Ministria e FSK-së në Ministri të Mbrojtjes, me qëllim të mbikëqyrjes dhe kontrollit civil demokratik mbi FSK-në me strukturën e saj organizative që siguron funksionalizimin e plotë dhe përmbushjen e përgjegjësive të saj”, thuhet më tej deklaratë.
Në fund, Qeveria e Kosovës kujton dhe nderon të gjithë burrat dhe gratë që bënë sakrifica të mëdha për lirinë dhe shtetin kosovar si dhe shpreh mirënjohjen e saj për misionin e NATO-s, KFOR-it dhe ndaj të gjithë trupave ushtarake të vendeve aleate.
Lajme të tjera
-
‘Shpresoj që Perëndimi të ketë dëgjuar paralajmërimin”/ Putin: Nëse Kievi përdor raketa me rreze të gjatë, ne do të përgjigjemi
27 Tetor, 13:31 -
Walesa: Rusia do ta sulmonte Poloninë, e jo Ukrainën, po të mos ishte në NATO
26 Tetor, 19:15 -
NATO: Situata e sigurisë në Kosovë është ende e paqëndrueshme
25 Tetor, 19:32 -
Lufta në Ukrainë/Zelensky: Bisedimet e paqes me Moskën do të varen nga zgjedhjet në SHBA
22 Tetor, 16:40 -
Gjermania përuron selinë detare të NATO-s në Detin Baltik
22 Tetor, 15:59 -
Ministrat e mbrojtjes të G7 mbështesin përpjekjet e Ukrainës për anëtarësim në NATO
19 Tetor, 21:18 -
Rutte: Do të punojmë që KFOR të ketë forcat e nevojshme për të mbajtur mjedis të sigurt në Kosovë
18 Tetor, 17:39 -
Raundi i ri i dialogut Kosovë-Serbi, javën e ardhshme
17 Tetor, 17:56 -
Ministri Pirro Vengu merr pjesë në Ministerialin e NATO në Bruksel, në fokus investimet në kapacitete dhe teknologji të reja
17 Tetor, 15:56 -
SHBA e lidh hyrjen e Kosovës në Partneritetin për Paqe me progresin në dialog
16 Tetor, 23:00 -
Shefi i NATO-s: Gjendja e sigurisë në Kosovë dhe rajon, e brishtë
16 Tetor, 19:45 -
Sulmoi ushtarët e KFOR-it, serbi dënohet me 8 muaj burg e 10 mijë euro gjobë
16 Tetor, 16:58
