Report Tv zbulon trupën e gjyqtarëve që liruan Gentian Dodën. Gjyqtari i ndaluar, Shkëlqim Miri ka qenë me treshen e gjyqtarëve Agim Bendon dhe gjyqtaren Flutura Skënderi. Gjyqtarët kanë votuar 2:1 për ndryshimin e akuzës së të dënuarit për dy vrasje në Burrel në vitin 1997. Votat pro kanë qenë ato të Shkëlqim Mirit dhe Agim Bendos, ndërsa kundër ka votuar Flutura Skënderi.

Pas ndalimit të Mirit në hetim janë edhe dy gjyqtarët e tjerë. Procesi ndaj Gentian Dodës ka kaluar të gjitha hallkat e gjyqësorit në Shqipëri, është dënuar për vrasjet e 1997 në vitin 2000 me 20 vite burg, u arratis në SHBA, më pas u kap dhe u ekstradua.

Në gjykatën e Lartë u vendos të mos ndryshohet akuza. Çështja e tij u shqyrtua edhe në Gjykatën Kushtetuese, e cila vendosi që gjykimi ndaj tij të zhvillohej sërish në gjykatën e shkallës së parë të Matit. Por ishte gjykata e Apelit ajo që i ndryshoi akuzën nga vrasje në plagosje duke sjellë lirimin e tij dhe ndalimin e gjyqtarit.

dy.b/shqiptarja.com