Pas 'organizmit seksual', Vasili lëshon gafën e rradhës: Sot është koha për një papërgjegjshmëri të lartë qytetare

Ish-kryetari i LSI Petrit Vasili është pjesë e grupit të gafave në opozitë.

Në tentativë për të sulmuar kryeministrin Edi Rama, ai sot u ka bërë thirrje qytetarëve që të tregojnë “papërgjegjshmëri të lartë” në këtë kohë të pandemisë.

"Të nderuar qytetarë, sot është koha për një papërgjegjshmëri të lartë profesionale dhe qytetarë. Përballë kemi një kryeminsitër që është armiku numër 1 i shëndetit publik të shqiptarëve. Ejani së bashku ta zbërthejmë rresht pas rreshti se çfarë ka bërë ky armik i shëndetit publik lidhur me pandeminë", ka thënë mes rreshtash Vasili, ndonëse postimi i tij ka një orë që është publikuar dhe ende nuk është edituar.

Kjo gafë e tij vjen pas gafës së parë të bërë në dalje të një mbledhje në Këshillin Politik, ku ai ka thënë “organizëm seksual” në vend të “organizëm konsensual”, me të cilën ka shkaktuar jo pak të qeshura në rrjetet sociale.

Vasili nuk është i vetmi deputet i gafave në opozitë, pasi kujtojmë se së fundmi ka pasur perla të lëshuara edhe nga kreu i PD Lulzim Basha dhe më pas nga Gazment Bardhi.

Postimi i Vasilit

TAG:
• LSI
• lulzim basha
• PD
• Petrit Vasili
• gafa