‘Pas pak ditësh vijnë doza të tjera’ , Rama: Jo vetëm mësuesit, do të vaksinojmë edhe policinë dhe ushtrinë

Kryeministri Edi Rama ka qenë i pranishëm ditën e sotme në ambientet e shkollës “4 Dëshmorët” në kryeqytet ku ka nisur vaksinimi për mësuesit dhe pedagogët.

Rama njoftoi edhe mbërritjen e dozave të tjera të vaksinës anti-Covid, theksoi se synohet edhe vaksinimi i policinë si edhe ushtrisë me qëllim goditjen e gjithë zinxhirit që ka më shumë kontakte.

‘Prandaj ne duam t’ju nxjerrim sa më shpejt nga ky shqetësim, dhe që mësuesit bashkë me mjekët e infermierët mos kenë mundësi të preken nga virusi. Jemi afër një lajmi të madh. Edhe pak ditë dhe do sjellim një sasi tjetër të vaksinave. Sfida juaj është të thyejmë, të vazhdojmë me gjithë pjesën tjetër Policinë, Ushtrinë gjithë ata që kanë ndërveprim. Ata me sëmundje kronike. Pra të godasim të gjithë zinxhirin që ka më shumë kontakte”, tha Rama.

Lajmi kryesor:

Vaksinohen 250 mësues me Astra Zenecën, Rama: Do të vijojmë edhe me policinë dhe ushtrinë

M.Q./r.k./Shqiptarja.com

TAG:
• ushtria
• policia
• mesues
• pedagoge
• koronavirusi ne shqiperi
• Vaksina anti Covid
• Vaksina Covid
• AstraZeneca