POP 5

Lajmet më të lexuara të 5 minutave të fundit

Kultura

Pas pandemisë, ekspozita “Fituam jetën” në muze, Abaz Hado : Të gjithë duhet të bëjmë diçka për vendin! (VIDEO)

Artisti Abaz Hado ka çelur në Muzeun Historik Kombëtar ekspozitën me 100 tablo “Fituam jetën”. Teksa na rrëfen eksperiencën personale gjatë pandemisë, Hado ndalet edhe tek preokupimi i tij më i madh në këtë jetë.

Pandemia COVID 19 preku mbarë botën, por artisti Abaz Hado përmes artit pamor i ka dhënë kuptim kësaj periudhe, duke realizuar 100 tablo në akuarel, vizatim dhe akrilik, të cilat i ka ekspozuar në Muzeun Historik Kombëtar. “Fituam jetën” është ekspozita që sjell kohën e çeljes së petaleve të trëndafilave, qytetet pa njerëz, por edhe ngrohtësinë familjare shpesh të munguar më herët.  

“Në momentin që u mbyllëm në shtëpi, për t’iu shmangur tragjedisë së COVID 19 unë nisa punën normalisht. E teksa shihja që në verandën time nisën të çelin petalet e trëndafilave kuptova se riardhja e jetës, ringjallja është e saj ishte moment shumë i bukur, pavarësisht se jashtë në qytet nuk kishte jetë”, shprehet Hado.

Artisti na rrëfen eksperiencat personale gjatë kësaj kohe absurde, siç janë ardhja në jetë e mbesës së tij, por edhe humbja e më së shtrenjtës, nënë.

 “Këto ngjarje rrodhën shumë shpejt. Por, normalisht që kanë ndikimin e tyre, sepse të frenojnë. Erdhi Aria në jetë. E më pas humba nënën, por janë situata që i përballuam. Prandaj sugjeroj që të gjithë vazhdojnë punën, që të përballojnë situatat e vështira që kanë, duke punuar”, thotë Hado.

E përpos gjithçkaje që  ka kaluar deri më tani për shkak të pandemisë, preokupimi më i madh i artistit është që çdo kush të lërë një shenjë të mirë në jetë.

 “Fituam jetën! Duhet të jemi të fortë, jeta jonë ka një fillim edhe një mbarim. Preokupimi im është se çfarë do të lë pas të qenësishme në këtë vend. Secili nga ne duhet të lërë diçka, nëse do që Shqipëria të përparojë. Pasi ne mund të na marrë jetën çdo gjë krejt papritmas, por ne duhet të lëmë shenjë”, thotë Abaz Hado.
Ekspozita “Fituam jetën” vazhdon që të qëndrojë hapur në Muzeun Historik Kombëtar.

 

/r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    27 Nëntor, 11:43

    Si e vlerësoni vendimin e GJKKO që liroi Berishën nga arresti shtëpiak?

Lajme të tjera



×

Lajmi i fundit

Dita e mësueses së baletit në ‘Një nga ne’, Romina Kaso: Më frymëzojnë sytë e fëmijëve, do kërcej sa të kem fuqi

Dita e mësueses së baletit në ‘Një nga ne’, Romina Kaso: Më frymëzojnë sytë e fëmijëve, do kërcej sa të kem fuqi

27 Nëntor, 21:51 nga Xhensila Nako