Pas përjashtimit të Spahos, Salianji caktohet drejtues politik i qarkut të Korçës për PD-në

Ervin Salianji dhe Edmond Spaho

Ervin Salianji dhe Edmond Spaho

Ervin Salianji është caktuar drejtues politik i qarkut të Korçës për Partinë Demokratike pas përjashtimit të Edmond Spahos nga PD. Emërimi i Salianjit në këtë pozicion është bërë nga Lulzim Basha, ndërsa lajmi u bë me dije nga Sekretari i Përgjithshëm i PD-së Gazment Bardhi i cili thotë se Salianji do të jetë  edhe Kryetar i Këshillit Koordinues të Qarkut.

"Pas vendimit të Kryesisë së Partisë për përjashtimin nga Partia Demokratike të ish-drejtuesit politik të qarkut Korçë, z. Edmond Spaho, ju njoftoj se: Në mbështetje të nenit 33 të Statutit të Partisë, sot Kryetari i Partisë ka caktuar si Drejtues Politik të qarkut Korçë, deputetin z. Ervin Salianji. Në këtë mënyrë z. Salianji do të jetë edhe Kryetar i Këshillit Koordinues të Qarkut, që është struktura e përhershme me përgjegjësi në organizimin elektoral dhe aksionet e veprimtaritë politike të PDSH në nivel qarku", thuhet në njoftimin e Bardhit.

Kujtojmë se më 11 janar, Kryesia e PD përjashtoi përgjithmonë nga partia Sali Berishën dhe 8 anëtarë të Komisionit të Rithemelimit, Bujar Nishanin, Flamur Nokën, Albana Vokshin, Edmond Spahon, Arben Ristanin, Rigels Muçollari, Klevis Balliun dhe Keltis Krujën. Vendimi për përjashtimin e tyre erdhi pas protestës së dhunshme të Sali Berishës më 8janar në selinë e PD.

M.Q.//Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Kë mendoni se do të favorizojë votimi i emigrantëve në zgjedhjet e ardhshme?



×

Lajmi i fundit

John

Të ‘pushtuar’ nga Perëndimi