Pas rrëzimit të Bindjes, PD në Kukës ngre të njëjtat pretendime: Padi për komisionerët! Votuan ata që nuk ishin në Shqipëri

Dega e Partisë Demokratike në qytetin e Kukësit ka ngritur pasi për komisionerët e 14 qendrave të votimit të 30 qershorit në këtë qytet, pasi i akuzon për manipulim në zgjedhjet e 30 qershorit. Sipas pretendimeve të ngritura nga PD më 30 qershor kanë votuar persona që nuk kanë qenë në Shqipëri dhe për këtë PD në Kukës kërkon që të verifikohen fletët e votimit si dhe të  krahasohen me sistemin TIMS, sistem ky që bën të ditur hyrje-daljet e personave nga Shqipëria.

Sipas PD në Kukës kërkohet që të sekuestrohen listat e personave që kanë votuar për të bërë më pas krahasimet.

Por kjo padi dhe kjo kërkesë e PD në Kukës duket se nuk do ta ketë të gjatë, pasi të njëjtat pretendime i ngriti edhe Partia Bindja Demokratike. Këta të fundit kërkonin hapjen e kutive por në mbledhjen e sotme KQZ rrëzoi të 15 kërkesat e tyre. Sipas nënkryetarit të KQZ, Denar Biba partitë që ankimojnë procesin zgjedhor të 30 qershorit duhet të sjellin prova materiale për pretendimet që ngrenë ku më pas do të bëhej i mundur evidentimi i shkeljeve. Por as PD dhe BD nuk kanë sjellë prova për ankesat e tyre.

Dega e PD në Kukës padinë e ka bërë në Prokurorinë e Rrethit Gjyqësor të Kukësit.

Deklarata e plotë e PD në Kukës:

Komisionerët e 14 qendrave të votimit të Bashkisë Kukës paditen për krimet zgjedhore të falsifikimit të rezultatit të zgjedhjeve dhe shkelje të fshehtësisë së votimit. Në padi kërkohet sekuestrimi i listës së personave që kanë votuar, për ta krahasuar me sistemin TIMS, për të verifikuar praninë e tyre në vend me 30 qershor

Dega e Partisë Demokratike të Kukësit ka paditur pranë prokurorisë së rrethit verilindor komisionerët e 14 qendrave të votimit të bashkisë së Kukësit. Në padi theksohet se komisionerët, me veprimet dhe mosveprimet e tyre kanë kryer krimet zgjedhore të falsifikimit të dokumenteve dhe rezultateve të zgjedhjeve si dhe kanë shkelur fshehtësinë e votimit.

Ndër faktet e përmendura në padi përmendet dalja e numrit më të lartë të fletëvotimeve sesa numrit të votuesve, fenomen i përhapur gjerësisht, jo vetëm në qytetin e Kukësit, por në të gjitha njësitë administrative të bashkisë Kukës. Në Nenin 326  të Kodit Penal, thuhet se falsifikimi, shpërndarja ose përdorimi i fletëve të votimit, i dokumenteve dhe materialit zgjedhor, me qëllim ndryshmin e rezultatit të zgjedhjeve dënohet me burgim nga një gjer në pesë vjet, ndërsa në Nenit 327, Shkelja e rregullave që garantojnë fshehtësinë e votimit përbën kundërvajtje penale dhe dënohet me burgim nga tre muaj gjer në dy vjet.

Partia Demokratike dega Kukës, në padinë e vet i kërkon Prokurorisë që të sekuestrojë në cilësin e provave, fletët e votimit dhe listat e personave që kanë votuar për çdo qendër votimi, me qëllim verfikimin në sistemin TIMS të faktit nëse ata kanë qenë në Shqipëri me datën 30 Qershor 2019.

/r.k./Shqiptarja.com
  • Sondazhi i ditës:

    Rihapet çështja Gërdeci, a mendoni se do të bëhet drejtësi për këtë tragjedi?

Komento


×

Lajmi i fundit

John

Albin Kurti nxjerr anëtarin e partisë së gruas së Milosheviçit të protestojë kundër Thaçit