Pas Berishës, Kokalari sulmon një tjetër mbështetëse të tij: Juridikun e ka mbaruar me korrespondencë dy vite më parë! Asnjë nga ju s'më tremb

Evi Kokalari ka sulmuar një tjetër mbështetëse të Sali Berishës. Bëhet fjalë për Adriana Kalajën, për të cilën thotë se e ka mbaruar Fakultetin e Juridikut me korrespondencë para 2 vitesh.

“Kjo është Kryetarja e Komisionit te Apelimit, që dhe juridikun e mbaroi me korrespondence dy vjet më parë. Klasi i saj, paraqitja fizike dhe profesionale janë fytyra e re e Partise Demokratike.

LEXO EDHE:
Mero Baze: Po sikur Ylli Rakipi mos ta kishte bërë atë deklaratën për Shkëlzenin?

Tashti, shkoni apeloni po deshët. Ndërkohë doja ti tërhiqja vëmendjen Albana Vokshi për punën e shkëlqyer që po bën me gratë e Partisë”, shkruan Kokalari në rrjetet sociale.

Kjo erdhi pas një reagimi që bëri Kalaja në rrjete sociale duke shkruar: “Më vjen çudi se ata që kritikojnë garën dhe na bëjnë moral, i janë përvjedhur gjithmonë asaj. Çdo gjë në jetë e kanë fituar dhuratë nga prindërit, bashkëshortet dhe dash*orët.”

Vetëm se iu kundërvu Berishës, Kokalari supozon se do i vihen të gjithë kundër por i paralajmëron se nuk trembet nga askush dhe asgjë.

“Tashti do lançojnë ndaj meje të gjithë skuthat dhe qëniet më të shemtuara që mban shoqëria Shqiptare. Bujrum!!

Por mos harroni që jam vajzë Kokalarësh dhe asnjë nga ju nuk më trëmb. Këto ditë më është kujtuar shpesh Musine Kokalari, që e vetme qëndronte perpara injorancës komuniste që e sulmonin dhe pastaj për 45 vjet hëngrën bar”, shkroi Kokalari.

Lajmi kryesor:

‘Turp të të vijë Sali Berisha’, ish Kryeministri merr një tjetër ‘goditje’ nga SHBA: E paske merituar Bashën

A.M./Shqiptarja.com

TAG:
• evi kokalari
• sali berisha
• PD