POP 5

Lajmet më të lexuara të 5 minutave të fundit

Bota

Pas samitit të NATO, Orban takohet me Trump: Mund të rikthejë paqen në Ukrainë

Sapo samiti i NATO-s në SHBA përfundoi, kryeministri hungarez Viktor Orban u takua me ish presidentin amerikan Donald Trump, i cili po garon për një mandat të dytë në krye të Shtëpisë së Bardhë. Orban njofton se fokus i takimit mes tij dhe Trump ishte arritja e paqes në Ukrainë dhe republikani Trump garanton se di formulën e këtij objektivi.

Pas përfundimit të samitit të NATO-s, i cili këtë vit u zhvillua në SHBA, kryeministri i Hungarisë u takua në Florida me republikanin Donald Trump, që kandidon për një mandat të dytë presidencial.

Bashkangjitur fotos së tij me Trump, të postuar në rrjetet sociale, Orban shprehet se thelbi i diskutimit ishte rruga drejt paqes në Ukrainë. Kryeministri hungarez shton se ish presidenti Trump është zotuar se do ta zgjidhë këtë çështje.

Për më tepër ky i fundit, falenderoi Orban përmes një postimi në rrjetin e tij Truth Social, duke theksuar se paqja duhet të arrihet sa më shpejt pasi shumë njerëz kanë vdekur në luftën në Ukrainë.

Gjatë samitit të NATO-s, kryeministri hungarez u përpoq t’i shmangej vëmendjes duke folur shumë pak edhe për mediat, ndërsa presidenti i Finlandës, Alexander Stubb tha se Orban nuk ka mandat nga aleanca, as nga BE-ja, të zhvillojë negociata me asnjë palë të luftës. Kryeministri hungarez është kritikuar ashpër nga BE për vizitën e tij në Ukrainë dhe Moskë menjëherë sapo vendi i tij mori presidencën e bllokut, aq sa në Parlamentin Europian u propozua që Hungarisë t’i pezullohej e drejta e votës.

Orban, sikurse Trump, ka shprehur skepticizëm për mbështetjen e NATO-s në ndaj Ukrainës dhe ka refuzuar t’i dërgojë armë Kievit, duke thënë se një gjë e tillë do të përshkallëzonte konfliktin.

SI.E./I.M/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    23 Dhjetor, 23:33

    Opozita proteston duke paralizuar 3 orë Tiranën, si e vlerësoni?

Lajme të tjera



×

Lajmi i fundit

Papët dhe jubilejtë: hapja e Derës Shenjte në histori

Papët dhe jubilejtë: hapja e Derës Shenjte në histori

25 Dhjetor, 07:31