POP 5

Lajmet më të lexuara të 5 minutave të fundit

Politikë

Pas SHBA edhe Merkel e OSBE
kundër PD: Jepini fund bojkotit

Pas Shteteve të Bashkuara të Amerikës edhe partia e Angela Merkel, CDU, një partner i Partisë Demokratike, pozicionohet kundër bojkotit të parlamentit dhe zgjedhjeve parlamentare nga opozita. Qëndrim kundër Bashës ka shprehur gjatë pasdites së kësaj të hëne edhe kreu i prezencës së OSBE në Shqipëri, Bernd Borchardt, i cili u shpreh se bojkoti është papërgjegjshmëri politike e cila e kthen Shqipërinë 20 vite pas. 
  VIDEO
SHBA "shuplakë" Bashës: S'mbështesim protestën
Basha insiston: Uashingtoni mbështet kauzën tonë
Basha vuri në gojën e Trumpdhe Merkel fjalë të pathëna
 
Pas Shteteve të Bashkuara të Amerikës edhe partia e Angela Merkel, CDU, një partner i Partisë Demokratike si dhe prezenca e OSBE-së në Tiranë, pozicionohen kundër bojkotit të parlamentit dhe zgjedhjeve të 18 qershorit nga opozita.

Përmes një letre të mbërritur në selinë e demokratëve, e siguruar nga Shqiptarja.com, cila mban datën 23 mars, zëvendëskryetari i grupit të CDU-CSU në Parlamentin gjerman, Franz Josef Jung, i cili është njëkohësisht edhe shefi i politikës së jashtme në CDU, si dhe ministër i Mbrojtjes së Gjermanisë, i kërkon Lulzim Bashës të heqë dorë nga rruga e bojkotit të zgjedhjeve.

Në letrën e Jung sqarohet se CDU pajtohet me shqetësimet e opozitës për shitblerjen e votës, por shton gjithashtu se bojkoti nuk është zgjidhje në një kohë kur Brukseli pret zbatimin e Reformës në Drejtësi. 

"Edhe ne jemi gjithashtu shumë, shumë te shqetësuar që në zgjedhjet e 18 qershorit mund të ketë fallsifikim të madh të zgjedhjeve si rezultat i blerjes së votave dhe mjeteve të tjera. Por ne mendojmë se është rruga e gabuar, që ky problem mundohet të zgjidhet përmes bojkotit parlamentar dhe deklarimin e mos regjistrimit për zgjedhjet e 18 qershorit, nëse qeveria e zgjedhur shqiptare nuk jep menjëherë dorëheqjen dhe të zëvendësohet me një “qeveri teknike” nga të gjitha grupet parlamentare.

Vonesa e reformës në drejtësi dhe bojkoti i zgjedhjeve nga opozita do ta kthenin Shqipërinë shumë mbrapa në rrugën e saj drejt BE-së. Dhe do të dëmtonte shumë marrëdhëniet mes PD-së dhe CDU/CSU-se" - thuhet në letrën e Jung drejtuar kryetarit të PD, Lulzim Basha.

/Shqiptarja.com
  • Sondazhi i ditës: 10 Janar, 11:51

    A duhet të çojë SPAK Berishën përpara Gjykatës për masakrën e 21 janarit?

Lajme të tjera



×

Lajmi i fundit

Mali i Zi, kërkohet hetim ndërkombëtar për masakrën Cetinjës

Mali i Zi, kërkohet hetim ndërkombëtar për masakrën Cetinjës

10 Janar, 23:03