Pas SHBA-së, edhe presidentja Vjosa Osmani bojkoton Lojërat Olimpike Dimërore në Pekin

Presidentja Vjosa Osmani

Presidentja e Kosovës, Vjosa Osmani ka marrë vendim për bojkotim të Lojërave Olimpike Dimërore në Pekin të Kinës. Arsyeja e bojkotit të këtij organizimi nga Osmani është shkelja e të drejtave të njeriut nga autoritetet kineze. Kjo është bërë e ditur nga këshilltari për median në Presidencën e Kosovës, Bekim Kupina.

Kupina tha se vendimi i Vjosa Osmanit vjen pas bojkotimit nga ana e shteteve tjera demokratike, si SHBA, Australi dhe Britani e Madhe.

“Presidentja Osmani mbështet vendimin e ShBA-ve për bojkotin diplomatik ndaj Kinës. Sikurse edhe homologët e saj nga ShBA-ja, Australia dhe Britania e Madhe, Presidentja Osmani shkaku i shkeljes së të drejtave të njeriut nga autoritetet kineze, do t`i bojkotoj Lojërat Olimpike Dimërore në Pekin”, tha Bekim Kupina.

Madje ai theksoi se ky bojkot diplomatik, sikurse edhe i vendeve të tjera, nënkupton se ekipet garuese marrin pjesë në Lojëra, por se Presidentja e Kosovës do t’i bojkotojë të gjitha ceremonitë dhe aktivitete zyrtare për krerët e delegacioneve gjatë Lojërave Olimpike në Pekin.

Vendimi për bojkotim nga ana e shteteve të mëdha vjen pas thirrjeve nga popullatat e tyre, me arsyetimin se autoritetet kineze po vazhdojnë keq-trajtimin ndaj myslimanëve ujgurë, si dhe shtresat e tjera të popullsisë.

Kosova do të përfaqësohet në Lojërat Olimpike Dimërore “Pekin 2022” nga atletë në disa disiplina

M.Q./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Turi: 08/12/2021 22:22

    Lepiresat e Amerikes , kur do tregoni pak dinjitet te flisni me gojen tuaj pa frike o legena

    Përgjigju
    • Sena: 08/12/2021 23:36

      Jane servila të shpifur

  • Sondazhi i ditës:

    Integrimi në BE, a duhet të ndahet Shqipëria nga Maqedonia e Veriut?



×

Lajmi i fundit

John

E përplasi makina në aksin Lezhë-Shkodër, ndërron jetë tek 'Trauma' 47-vjeçari (EMRI)