TIRANË- Reshjet e dendura të dëborës gjatë 24-orëve të fundit zbardhën qytetin juglindor. Trashësia e borës në Korçë ka arritur në 10 centimetra, ndërsa temperatura minimale ka zbritur në -7 gradë celsius. Në zonat malore trashësia e dëborës shkon nga 20 deri në 30 centimetra.
Gjatë natës është punuar dhe po mbahen të hapura aksi rrugor Qafë Thanë- Kapshticë dhe të gjitha akset e tjera nacionale të këtij qarku. Po kështu rrugët për në fshatrat turistikë Dardhë dhe Voskopojë janë të hapura, por këshillohet qarkullimi me zinxhirë për shkak të ngricës.
Fshatrat e thellë malorë, Dardhasi i Sipërm, Panarit dhe Lekas janë të izoluara nga bora. Reshjet kanë shkaktuar probleme për furnizimin me energji elektrike.
Reshje të dendura bore pati gjatë natës edhe në qarkun e Dibrës. Në Peshkopi, trashësia e borës shkon deri në 6 centimetra ndërsa në zonat malore deri në 15 cm. Për shkak të temperaturave të ulta janë krijuar ngrica në rrugë. Policia rrugore këshillon drejtuesit e mjeteve të përdorin zinxhirët. E njëjta situatë paraqitet edhe në Kukës e Pogradec.
Nga kompanitë kontraktore është punuar për të mbajtur hapura rrugët nacionale. Probleme me energjinë elektrike kanë fshatrat në Kalanë e Dodës dhe Lurë.
Si pasojë motit të keq në Pogradec, disa fshatra kanë mbetur pa energji elektrike. Mësohet se kanë mbetur pa energji Dardhasi, Proptisht dhe Hudenisht. Lëvizjet e mjeteve duhet të bëhet me zinxhirë, teksa mësohet se Bishnica ka mbetur e bllokuar dhe po punohet me traktor për ta hapur rrugën.
Situata e motit ka qenë e qetë, e karakterizuar me ulje të temperaturave nën zero gradë dhe reshje bore gjatë natës në qarkun e Kukësit. Lartësia e borës së re ka qenë 5 - 15 cm, teksa mësohet se të gjitha akset janë të kalueshme.
“Nga informacionet e marra nga kontraktorët që kanë në performance rrugët nacionale të gjitha rrugët janë të kalueshme normalisht. Pasojë e uljes së temperaturave akset rrugore janë përfshirë nga reshjet e borës e ngricat. Nga Kontraktorët me kapacitetet e nevojshme po punohet për hapjen e kriposjen e tyre.
Kontraktorët kanë përdorë këto kapacitete;
Borëpastruse 24
Fadroma 10
Kamiona 10
Kamionçina 4
Eskavator 1 dhe punonjës 88’, njofton Prefektura.
Akulli dhe ngricat kanë pushtuar edhe rrugët e Pogradecit. Siç shihet nga fotot, shëtitorja në Pogradec ka dhuruar një pamje fantastike në këtë ditë të ftohtë janari.
Komente
Lajme të tjera
-
Stuhia ‘Bert’ godet Mbretërinë e Bashkuar! Konfirmohet viktima e parë
23 Nëntor, 16:51 -
Korça 'mbulohet' nga bora! Disa fshatra pa energji elektrike
23 Nëntor, 12:42 -
Reshje bore në Rrugën e Kombit, lëvizni me kujdes! Trashësia 5 cm në Tunelin e Kalimashit! Mungesë energjie në fshatrat e Kukësit dhe Korçës
23 Nëntor, 11:28
-
Moti i keq në aksin Fushë Arrëz-Mirditë/ Vërshimi i ujërave nga mali bllokon qarkullimin në tunelin e Gojanit
22 Nëntor, 20:26 -
Moti i keq në Dibër/ Vërshimi i ujërave dhe rrëshqitje dherash në Bypass-in e ‘Rrugës së Arbrit’, qarkullim me vështirësi i mjeteve
22 Nëntor, 19:56 -
Gruas i duhet të pastrojë vetë pusetën për të shpëtuar nga përmbytja! Shikoni videon tek 'Myslym Shyri' në Tiranë (VIDEO)
22 Nëntor, 18:23 -
Aksident në aksin Ura e Çerenecit-Ostren, 1 i vdekur 2 të plagosur
22 Nëntor, 16:57 -
VIDEOLAJM/ Erërat dhe stuhitë prishin çatinë e Pallatit të Kulturës në Bulqizë
22 Nëntor, 16:24 -
Moti i keq/ Anulohet për mbrëmjen e sotme lundrimi i trageteve nga Durrësi drejt Barit dhe anasjelltas
22 Nëntor, 13:40 -
Rrebeshe e shtrëngata në gjithë vendin, Gjoni për Report Tv: Nga mesdita e së shtunës ikin reshjet, por ulen temperaturat
22 Nëntor, 12:57 -
Moti i keq përfshin Vlorën, mbetet i pezulluar lundrimi në det! Ndërprerje energjie në disa zona
22 Nëntor, 12:44 -
Moti i keq/ Disa fshatra pa energji elektrike në Kukës! Fierza në ‘krizë’ për ujë
22 Nëntor, 12:35
Firmat e mirembajtjes rrugeve marrin leket dhe flene gjume dhe rruget i hapin malinat e ushtrise. Shikoni targat e makinrs borepastruese
Përgjigju