POP 5

Lajmet më të lexuara të 5 minutave të fundit

Sociale

Inspektimi i bizneseve në Durrës pas tërmetit, Denaj: Të gjitha dëmet do të mbulohen 100%

Ministrja kërkoi mirëkuptimin e tyre për procedurat që do të ndiqen dhe theksoi nevojën për një mirëkoordinim mes strukturave shtetërore, në mënyrë që vlerësimi i dëmeve të bëhet sa më shpejt dhe më pas të vijohet me pjesën e fondeve për rimbursimin e dëmeve.

Pas tërmetit ka nisur inspektimi i banesave apo bizneseve të dëmtuara.

Ministrja e Financave dhe Ekonomisë, Anila Denaj së bashku me kryetaren e bashkisë së Durrësit, znj. Valbona Sako, inspektoi disa prej bizneseve në zonën e plazhit në Durrës.

Ministrja garantoi  se dëmet e shkaktuara nga tërmeti do të përballohen nga buxheti i shtetit, i cili përmban  fonde të nevojshme.

Sipas ministres është e rëndësishme  vlerësimi i saktë i dëmeve nga ana e strukturave përgjegjëse shtetërore, në mënyrë që  të procedohet me fondet që janë në dispozicion të përballimit të dëmeve.

“Vlerësimi i  dëmeve  duhet të ndodhë këto javë dhe ne pastaj të kemi mundësi që menjëherë të hapim fondin, i cili është i plotë, por do të ketë edhe fonde shtesë. Unë jap garanci që i gjithë ky proces do të mbulohet 100 %”, u shpreh znj. Denaj.

Pavarësisht këtij fakti, Ministrja Denaj u bëri thirrje të gjithë bizneseve për tu solidarizuar me familjet dhe bizneset e prekura nga tërmeti.

“Nuk mungon edhe thirrja për bizneset për tu solidarizuar, për nevojën për mbështetje edhe në aspekt të fondeve monetare në numrat e llogarisë që janë hapur, pasi solidariteti në këto raste ndihmon të gjithë”, tha Ministrja.

Gjatë bashkëbisedimit me biznese të zonës, Ministrja Denaj kërkoi mirëkuptimin e tyre për procedurat që do të ndiqen dhe theksoi nevojën për një mirëkoordinim mes strukturave shtetërore, në mënyrë që vlerësimi i dëmeve të bëhet sa më shpejt dhe më pas të vijohet me pjesën e fondeve për rimbursimin e dëmeve.

Sipas ministres Denaj,  ekziston mundësia që   fondi i emergjencës mund të mos jetë i plotë, por janë fonde shtesë për të ardhur në ndihmë.

"Ajo që ne duhet të koordinojmë është në raport me procedurat për rimbursim sepse edhe nga ana proceduriale është e vështirë që ne të angazhohemi përpara se ekspertët të flasin për vlerën e dëmit për çdo familje”, u shpreh Denaj.

Biznes i dëmtuar në Durrës

/r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Kë doni ju që të fitojë zgjedhjet në SHBA?

Lajme të tjera



×

Lajmi i fundit

Fier/ 18- vjeçarja vetplagoset me armë zjarri, ende nuk dihet shkaku

Fier/ 18- vjeçarja vetplagoset me armë zjarri, ende nuk dihet shkaku

4 Nëntor, 18:59