Pas vdekjes së bashkëshortes, shtrohet në spital George Bush

Ish-presidenti i Shteteve të Bashkuara, George H.W. Bush, është shtruar në spitalin e Houston për shkak të një infeksioni, menjëherë pas funeralit të bashkëshortes së tij Barbara.

Zëdhënësi i ish presidentit, Jim McGrath, shkroi në rrjetin twitter se 93 vjeçari Bush po "u përgjigjet trajtimeve dhe duket se po shërohet". Ai është pranuar të dielën në spitalin Methodist të Houstonit, pas një infeksioni që u përhap në gjak, tha zoti McGrath, njofton VoA.

Kjo ngjarje ndodhi pasi Barbara Bush, u varros të shtunën në një ceremoni në të cilën morën pjesë i shoqi, dhe ish presidentët, Bill Clinton, Barack Obama, George W. Bush dhe bashkëshortet e tyre si dhe zonja e parë e Shteteve të Bashkuara, Melania Trump.

LEXO EDHE:
FBI: Mashtruesit vodhën mbi 3.4 miliardë dollarë nga amerikanët e moshuar në 2023

Bushi i madh, përdorë një karrocë dhe një skuter elektrik për të lëvizur për shkak të sëmundjes së Parkinsonit dhe i është nënshtruar trajtimit në spital disa herë gjatë viteve të fundit për shkak të problemeve me frymëmarrjen.

I lindur më 12 qershor të vitit 1924, në Milton të Massachusettsit, ai shërbeu edhe si ligjvënës, drejtor i CIA-s dhe nënpresident i Ronald Reaganit. Gjithashtu, George Herbert Walker Bush, shërbeu si presidenti i 41-të i Shteteve të Bashkuara nga viti 1989 deri në vitin 1993.

TAG:
• SHBA
• Barbara Bush
• George H. W. Bush

Sondazhi i ditës:

A mund të zhvillojë Shqipëria turizmin elitar?

• PO

  60.3%

• JO

  32.4%

• NUK E DI

  7.3%

Vota total: 2138

• Sondazhi i ditës:

  A mund të zhvillojë Shqipëria turizmin elitar?

  PO JO NUK E DI