SHKUP- Pas vizitës zyrtare në Tiranë, kryeministri holandez, Mark Rutte ka mbërritur në Shkup, ku ka zhvilluar një takim me kryeministrin e Maqedonisë së Veriut, Zoran Zaev. Në takimin e përbashkët mes dy homologëve është diskutuar mbi integrimin në Bashkimin Europian, ku Rutte ritheksoi se konferenca e parë ndërqeveritare për Maqedoninë e Veriut duhet të hapet brenda muajit dhjetor.
“Në takim u tha se procesi nuk do të jetë i besueshëm nëse progresi i bërë në dosjen e Maqedonisë së Veriut dhe Shqipërisë nuk pranohet në raportin e tetorit të Komisionit Evropian, së bashku me rekomandimin e përsëritur që të dy vendet të përmbushin kushtet për fillimin e negociatave me BE-në”, njoftojnë nga Qeveria.
Sipas Rutte, Maqedonia e Veriut e meriton që të nisë negociatat për futjen në BE. Pavarësisht se Holanda ka qenë kundër integrimit të saj në BE, Rutte thotë se Maqedonia ka përparuar me reformat e ndërmarra.
"Holanda ishte një nga vendet kundër negociatave me BE-në, por shumë progres është bërë viteve të kaluara dhe personalisht dëshirova ta transmetoj mesazhin se jemi shumë të lumtur që në fund BE-ja vendosi t’i fillojë negociatat”, tha Rute në deklaratë për TV Sitel.
Sipas Rutte, problemi me Bullgarinë duhet të zgjidhet në mënyrë që të mos ketë më asnjë pengesë për hapjen e negociatave me Maqedoninë e Veriut dhe Shqipërinë.
"Mund të mos jetë e dukshme për të gjithë, por ka shumë diskutime me Bullgarinë, mua me Presidentin Radev dhe kolegë të tjerë të BE-së për të siguruar që problemi të zgjidhet sa më shpejt që të jetë e mundur, sepse nuk është mirë pas një pritjeje të gjatë për fillimin e negociatave, sepse ndjeva se atëherë Maqedonia e Veriut nuk ishte gati, por tani është gati dhe kjo çështje është arsyeja dhe ende nuk mund të ndodhë. Kjo nuk është mirë. Por unë mund t’ju siguroj se në prapaskenë, shumë vende anëtare po përpiqen të bisedojnë me Bullgarinë dhe shpresoj për më të mirën se ne do të ecim përpara sa më shpejt që të jetë e mundur pas zgjedhjeve të 14 nëntorit. Unë e kuptoj këtë mendim, por do të kërkoja nga qytetarët e Maqedonisë së Veriut që të mos e humbin besimin në BE. Duam të fillojmë negociatat, duam që një ditë, ndoshta, të bëhemi anëtare me të drejta të plota dhe ndërkohë të shohim se çfarë mund të punojmë për rezultate shumë praktike për Maqedoninë e Veriut, por edhe për Shqipërinë”, u shpreh Rutte.
Kjo është vizita e parë e Mark Ruttes në Maqedoninë e Veriut pas 12 vitesh si kryeministër i Holandës.
Lajme të tjera
-
Rama në darkën me ambasadorët për festat e fundvitit: Shqipëria nuk ka plan B, vetëm anëtarësimin në BE! Presidenti i ri i SHBA-ve sjell mundësi të reja
24 Dhjetor, 18:26 -
Ligji për Gjuhët në Maqedoninë e Veriut do të shqyrtohet në mars të vitit tjetër
23 Dhjetor, 18:19 -
Shefi i NATO-s i shqetësuar për sigurinë afatgjate të aleancës
23 Dhjetor, 16:58 -
Ministri i Jashtëm i Jordanisë do të zhvillojë bisedime me liderin e ri të Sirisë
23 Dhjetor, 11:52 -
Greqia dhe Italia, ku ka më shumë shqiptarë, kanë emigrantët më të mbikualifikuar në Europë
23 Dhjetor, 09:34 -
Mandarinat me pesticide, Ministria e Bujqësisë: Kemi bërë kallëzim penal për grumbulluesit! Gjobë e bllokim aktiviteti për shkelësit
23 Dhjetor, 08:46 -
Mali i Zi, opozita bojkoton Parlamentin për shkak të Gjykatës Kushtetuese
21 Dhjetor, 22:33 -
Ilir Yzeiri: Teksti i Edi Ramës dhe fshati i madh shqiptar
21 Dhjetor, 19:45
-
BE-ja shpreson për progres në integrimin e serbëve pas zgjedhjeve në Kosovë
21 Dhjetor, 16:47 -
Arben Taravari paralajmëron ‘arrestimin’ e Ali Ahmetit
20 Dhjetor, 10:11 -
BE 30 miliardë € për Ukrainën vitin tjetër! Costa: Koha për ta forcuar
20 Dhjetor, 08:47 -
Presidenti italian: Rreziku i ndërhyrjeve të jashtme në Ballkan është tepër i lartë
20 Dhjetor, 07:36
