Pas Vlorës, Fierit dhe Beratit
Korça është bastioni i ri i PS-së

Rilindja Urbane ka qënë një nga programet prioritare të qeverisjes së Edi Ramës. E shoqëruar me skepticizem dhe kritika nga shumëkush.

Madje edhe analistë të krahut të qeverisë mendonin se investimet në qendrat e qyteteve, shëtitoret, parqe dhe institucione të kulturës, artit e sportit, ishin të parakohshme në Shqipërinë e mijëra familjeve që e shtyjnë muajin me paratë e ndihmës ekonomike dhe të fshatrave pa rrugë, ujë e kanalizime.

Ndërkohe Rama insistonte se transfomimi i qyteteve, që fillon nga qendrat e tyre do të prodhojë votë edhe në fshat.

Po ta lexosh votën e 25 qershorit nga ky kënd duket se projektet urbane në qytetet kryesore kanë dhënë efekt edhe në fshatrat e Bashkive të reja. Vlora, Fieri, Berati, Korça dhe Tirana kanë votuar mbi 50% për PS.


(Rezultatet e PS në 25 qershor)

Vota për PS në 2013 dukej si rekord që nuk mund të kalohej, por në Bashkinë e re të Korçes përshëmbull, PS-ja u rrit nga 44% në 2013, ne 52,1% në 2017. Dhe kjo rritje është përafërsisht e njëjtë si në qytet, ku janë kryer investime të mëdha edhe në fshat ku nuk ka ndodhur ndonjë ndyshim i dukshëm.

Vlora, që dukej e paduruar për Lungomaren, reagoi me një votë historike kur e pa të përfunduar.

Me sa duket shqiptarët votojnë edhe për pulen mot, jo vetëm për vezën sot.

Redaksia Online
l.q/Shqiptarja.com