Pranohet në mënyrë Unanime kërkesa Shqiptare  për projektin "One Stop Security".
 
Finalizimi me sukses i këtij  projekti bën që qytetarët shqiptar që nisen nga Rinasi të mos bëjnë më kontrolle sigurie në aeroportet tranzit siç ndodh deri më tani.
 
Si rezultat i vonesave që shkakton kontrolli në tranzit, ka patur raste që udhëtarët kanë humbur avionin e radhës në jo pak raste.
 
 Realizimi me sukses i këtij projekti kërkon kohë, përshtatje ligjore, burime njerëzore të kualifikuara si dhe burime të mëdha financiare, por Autoriteti i Aviacionit Civil mbetet optimist për suksesin e pritshëm në gjysmën e kohës që kërkon ky projekt.
 
Buxheti financiar për Shqipërinë në fakt nuk ekzistonte por investimi personal dhe fleksibiliteti i Drejtorit Ekzekutiv Flamur Çelaj bëri që buxhetet e projekteve për Turqinë, Serbinë dhe Moldavinë të rialokoheshin në favor të Shqipërisë.
 
Çelaj thotë se kjo është sfida më e madhe dhe me interes publik  pasi rritë në nivelet më të larta Sigurinë në Aeroport që është edhe porta e parë e Shqipërisë në Europë.


dy.b/shqiptarja.com