POP 5

Lajmet më të lexuara të 5 minutave të fundit

Kronikë

Pasaporta false 12 mijë £ për
në Angli, 8 të arrestuar në Fier

Policia e Fierit ka goditur një grup kriminal me 16 anëtarë që merreshin me falsifikim dokumentesh kundrejt pagesave nga 600 € deri në 12.000 £. 8 të arrestuar, 6 të proceduar dhe 2 në kërkim është bilanci i “Pagesës së fundit”, që u finalizua në kuadër të operacionit “Forca e ligjit”. Grupi kriminal falsifikonte dokumente shkollor, pasaporta, leje qëndrimi, leje drejtimi, kartëmonedha, por edhe dokumente për në vende të ndryshme të Bashkimit Europian. VIDEO
FIER-Në kuadër të operacionit ‘Forca e Ligjit’ policia ka goditur një grup kriminal me 16 anëtarë në disa qytete, të cilët falsifikonin dokumente. Në pranga kanë rënë 8 persona, 6 po ndiqen në gjendje të lirë, ndërsa 2 të tjerë janë në kërkim.Grupi kriminal falsifikonte dokumente shkollor, pasaporta, leje qëndrimi, leje drejtimi, kartëmonedha, por edhe dokumente për në Angli dhe vende të ndryshme të Bashkimit Europian. Ata merrnin porosi për pajisjen me dokumente të falsifikuar për persona të ndryshëm me banim në Fier, Lushnje, Mallkastër, nga Qarku i Beratit, Korçës, Vlorës, kundrejt pagesave që varionin nga 600 Euro deri 12,000 Paund.

REPORT TV ka siguruar momentet e shoqërimit të anëtarëve të bandës kriminele, ndërsa gjatë operacionit u janë sekuestruar prova të shumta materiale, si pasaporta dhe dokumente të tjera të falsifikuara, por edhe shuma të konsiderueshme në lekë, paund dhe euro. Por si funksiononte skema? Sipas policisë,  S.P. i cili është në kërkim së bashku me Jetnor Hoxhajn pasi merrnin porositë, nëpërmjet Eris Kolicit dhe A.H. i dërgonin me automjete të ndryshme të transportit të udhëtarëve si furgona, taksi, autobusë për në Tiranë te Artan Hasani, i cili merrej me prodhimin e tyre.

Dy-tre ditë pasi prodhoheshin këto dokumente në Tiranë, Artan Hasani i niste në të njëjtën rrugë për në Fier, ku dilnin dhe i prisnin Eris Kolici dhe A.H, të cilët sipas porosive të S.P. dhe Jetnorit ua shpërndanin personave që kishin porositur. Pas një hetimi me metoda speciale,grupi kriminal u godit nga policia e Fierit në bashkëpunim edhe me Tiranën dhe qarqet tjera.

Po hetohen në gjendje të lirë
- A.H, 62 vjeç, banues në Fier
- A.N, banues në Fier
- I.S, 48 vjeç, banues nëTiranë
- D.S, 32 vjeç banues në Durrës
- P.B, banues në Fier
- I.G, banues në Fier

Në kërkim
- S.P, 41 vjeç, banues në Fier
- V.Gj, 65 vjeç, banues në Korçë

 

/Shqiptarja.com
  • Sondazhi i ditës: 8 Janar, 21:20

    Berisha kundër uljes së çmimit të energjisë elektrike, si iu duket?

Lajme të tjera



×

Lajmi i fundit

Sondazhi në Report Tv/ Nëse zgjedhjet mbahen sot, Rama merr 80 mandate, Berisha tkurret në 46! 12 deputetë nga partitë e reja, 2 u mbesin të ‘vjetërve’

Sondazhi në Report Tv/ Nëse zgjedhjet mbahen sot, Rama merr 80 mandate, Berisha tkurret në 46! 12 deputetë nga partitë e reja, 2 u mbesin të ‘vjetërve’

8 Janar, 22:41