POP 5

Lajmet më të lexuara të 5 minutave të fundit

Politikë

Pasdite, lamtumira e Eugen
Wollfarth, kreut të OSBE-së

Ambasadori  i Prezencës së OSBE-së, diplomati gjerman Eugen Wollfarth e ka përfunduar misionin e tij trevjeçar në Shqipëri dhe si rrjedhim, ai do të largohet së shpejti për t’u pasuar nga një emër tjetër.
TIRANË – Ambasadori  i Prezencës së OSBE-së, Eugen Wollfarth e ka përfunduar misionin e tij trevjeçar në Shqipëri dhe si rrjedhim, ai do të largohet së shpejti për t’u pasuar nga një emër tjetër. Për këtë arsye, Wollfarth do të organizojë sot pasdite një pritje me zyrtarë, politikanë, përfaqësues të shoqërisë civile, trupit diplomatik dhe të medias.
 
Diplomati gjerman Eugen Wollfarth u emërua në krye të Zyrës së OSBE-së në Shqipëri  në 16 shtator 2010.  Ai ka punuar për 25 vjet në Zyrën e Punëve të Jashtme të Gjermanisë dhe ka përvojë të thellë në çështjet e Ballkanit Perëndimor në fushën politike, ndërkombëtare dhe të sigurisë.

Nga viti 2005 deri në vitin 2007, Ambasadori Wollfarth  kryesoi  Zyrën Ndërlidhëse të Gjermanisë në Prishtinë. Para se të vinte në Shqipëri, ai shërbeu për dy vjet si kryetar i “task force”-s kundër terrorizmit në Zyrën e Punëve të Jashtme të Gjermanisë.

Vite më parë ai  ka punuar edhe si shef i divizionit në Departamentin Evropian të Berlinit, këshilltar në ambasadat gjermane në Uashington dhe Kili dhe nënkryetar i zyrës së Bosnjes dhe Herzegovinës në Departamentin Politik në Bon. Në fillim të viteve '90, Wollfarth ka shërbyer si sekretar i parë në ambasadën e Gjermanisë në Beograd, ish-Jugosllavi, ku ai mbërriti nga Ambasada e Bogotas, Kolumbi.

Wollfarth ka studiuar ekonomi dhe inxhinieri, përfshirë ligjet, në disa universitete të Gjermanisë, SHBA-së dhe Britanisë së Madhe. Përveç gjuhës amtare gjermane, ai flet rrjedhshëm në anglisht, spanjisht dhe frëngjisht. Eugen Wollfarth është i martuar dhe ka dy djem të rritur.

Redaksia online
(ar.sh/shqiptarja.com)

/Shqiptarja.com
  • Sondazhi i ditës: 10 Janar, 11:51

    A duhet të çojë SPAK Berishën përpara Gjykatës për masakrën e 21 janarit?

Lajme të tjera



×

Lajmi i fundit

Mali i Zi, kërkohet hetim ndërkombëtar për masakrën Cetinjës

Mali i Zi, kërkohet hetim ndërkombëtar për masakrën Cetinjës

10 Janar, 23:03