POP 5

Lajmet më të lexuara të 5 minutave të fundit

Bota

Pashkët ortodokse/ Në Jerusalem festojnë më pak besimtarë për shkak të tensioneve, festa s’ndal sulmet në Ukrainë

Mijëra besimtarët ortodoksë në mbarë botën festojnë sot Pashkët. Në Jeruzalem ka patur më pak besimtarë për shkak të tensioneve të ditëve të fundit. Ndërsa festa nuk ka ndalur sulmet ruse ndaj Ukrainës.

Mijëra besimtarë ortodoksë në mbarë botën festojnë sot Pashkët. Në mesnatë, ata kanë mbushur kishat, ku është mbajtur mesha e shenjtë.

Në kishën e Varrit të Shenjtë në qytetin e vjetër të Jerusalemit, mijëra besimtarë morën pjesë në Ceremoninë e Zjarrit të Shenjtë. Ata u mblodhën fillimisht në kishën e lashtë, e cila besohet të jetë ndërtuar në vendin ku është kryqëzuar, varrosur dhe ku ringjallet Jezu Krishti. Flakët kaluan nga personi në person përreth kishës me të krishterët vendas dhe pelegrinët e huaj që prisnin në rrugët e ngushta aty pranë për shkak të tensioneve të ditëve të fundit, kësaj here prania e besimtarëve ishte më e ulët.

Edhe besimtarët ortodoksë të Palestinës kremtuan këtë ditë të veçantë të kalendarit fetar.

Festime pati edhe në Rusi. Presidenti Vladimir Putin mori pjesë në meshën e Pashkëve të drejtuar nga Patriarku Kiril në katedralen e Krishtit Shpëtimtar në qendër të Moskës. Ai eci në këmbë para besimtarëve, duke mbajtur në dorë një qiri.

Banorë të fshatit Karizha në Rusinë qendrore, u mblodhën në mesnatë në kishën ortodokse dhe mes dëshirave kryesore të shprehura nga besimtarët ishte fundi i luftës, teksa peshkopi tha se lutjet shkojnë për popullin e Ukrainës dhe të Rusisë, për situatën ku ndodhen.

Pashkët ortodokse nuk kanë ndalur forcat ruse. Luftimet e ashpra po zhvillohen edhe në afërsi të qytetit Donetsk, ku gjatë natës kishte bombardime veçanërisht pranë Katedrales. Nga këto bombardime 1 person mbeti i vdekur ndërsa 2 të tjerë të plagosur. Në momentin e shpërthimit të raketave, në kishë po mbahej mesha e Pashkëve Ortodokse.

Ndërsa këtë të dielë në ditën e Pashkëve Ortodokse rreth 130 të burgosur lufte ukrainas janë liruar dhe janë kthyer në shtëpi në një "shkëmbim të madh të Pashkëve", por nuk dihet numri i rusëve që janë kthyer.

Pashka është festa më e rëndësishme e kalendarit të krishterë, e cila simbolizon ringjalljen e Jezu Krishtit.

SI.E./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    27 Nëntor, 11:43

    Si e vlerësoni vendimin e GJKKO që liroi Berishën nga arresti shtëpiak?

Lajme të tjera



×

Lajmi i fundit

Ja pse 'lirimi' i Sali Berishës i gëzoi të gjithë

Ja pse 'lirimi' i Sali Berishës i gëzoi të gjithë

27 Nëntor, 23:04 nga Flogert Muça