Patatja e Shistavecit, tkurret sasia e prodhimit por shitet më shtrenjtë! Fermeri: Ky vit ishte shumë dobët

Në Shishtavec ka nisur sezoni i vjeljes së patates.

Fermeri Jelen Hoxha bashkë me familjen po bëjnë shkuljen e patates në parcele me mjete mekanike. Vitin e kaluar toka prodhoi një patate gjigante me peshë 2 kg e 240 gr por që këtë vit nuk mundi ta prodhonte. Ai tregon se thatësira e zgjatur e këtij viti ka bërë që të marrë më pak prodhim.

 “Ky vit është më i dobët në rendiment apo prodhim. 2 muaj ditë nuk ka rënë një pikë shi që është baza e prodhimit të patates”- tha fermeri Jenel Hoxha.

Jeleni tregon se këtë vit nga 1 ha tokë pret që të marrë rreth 12 kuintal patate për treg dhe farë ndërkohë që që problem sipas tij është se tregu nuk preferon pataten e vogël, edhe pse ka vlera ushqimore.

 “Në botë tregtohet por në Shqipëri është koncepti që nuk tregtohet patatja e vogël”- vijoi fermeri.

Prodhimi i pakët i patates sivjet do të sjellë dhe çmim të shtrenjtë për konsumatorin.

 “Me rritjen e çmimit të patates do të ndikojë. Çmimin në krahasim me tregun e kam të lirë kur vjen ndonjë shok , ndonjë dashamirës”- tha ai.

Aktualisht fermerët e shesin pataten me çmim shumice 60 lek për kg, ndërsa në tregun e pakicës shkon nga 80 deri në 100 lek për kg.

Kjo kulturë vitet e fundit po ndeshet me shumë sfida si, mungesa e kanaleve vaditëse, makinerive bujqësore e deri tek largimi i të rinjve nga fshati por edhe mungesa e subvencioneve nga Ministria e Bujqësisë.

 “Shteti për bujqësinë në Shishtavec nuk ka subvencionuar, ndërsa në drejtim të blegtorisë ka subvencionuar.”- vijoi fermeri.

Një vit më parë në Shishtavec të Kukësit u prodhuan 4 mijë ton patate. Për shkak të uljes se sipërfaqes së mbjellë dhe faktorëve klimaterik këtë vit prodhimi i pritshëm është 3 mijë e 500 ton. Ndërsa për nga cilësia patatja e Shishtavecit që kultivohet në lartësinë 1400 metra, zë vendin e parë në rajon.

G.MO/S.G/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Cncnn: 30/09/2023 13:50

    Shish*tavec injorantë.

    Përgjigju
  • Sondazhi i ditës:

    Hapësirat publike në plazhe, sipas jush janë:



×

Lajmi i fundit

Spahiu: Rama pazar me Greqinë, që lejoi Belerin nga burgu të udhëtoj jashtë

Spahiu: Rama pazar me Greqinë, që lejoi Belerin nga burgu të udhëtoj jashtë