TIRANË- Bashkëfajtorë të ulur në një tryezë...kështu i sheh kreu i partisë 'Bindja Demokratike', Astrit Patozi, Damian Gjiknurin, Petrit Vasilin dhe Oerd Bylykbashin, të përzgjedhurit politik për Reformën Zgjedhore. Shpresat i ka tek Rudina Hajdari, të cilën e veçon si njeriun që nuk ka asnjë përgjegjësi për krizën, por edhe si personin e duhur për ta zgjidhur atë. Në studion e "Repolitix" në Report Tv, Patozi shprehet se është i lumtur që nuk ishte pjesë e asaj tryeze, teksa bashkohet me grupin e Hajdarit që e sheh problemin te sistemi politik.
"Jam shumë i lumtur që nuk jam pjesë e asaj tryezë. Aty në pjesë dërrmuese janë ulur bashkëfajtorët. Formalisht nuk na takonte të ishim, se janë ulur parlamenti ekzistues dhe opozita jashtëparlamentare. Për sa kohë që është për ndryshime të thella në Shqipëri, e sistemit aktual që është e keqja kryesore, ne na përfaqëson dhe këtu e kam fjalën dhe për nga e majta dhe e djathta. Nuk kam asnjë kompleksi që të bashkojë me cilin do që ka këtë qasje. Jo, s'kam kontaktuar. Hap pas hapi do i shikojmë të gjitha format e bashkëpunimit me opozitën e re.
Tryezë e PD-PS që kanë dëshmitarë dhe opozitën parlamentare dhe dikush tjetër. Hajdari nuk ka përgjegjësi për krizën, por mund të shërbejë për të zgjidhur krizën dhe kriza zgjidhet nëse nga kjo tryezë del një produkt", tha Patozi.
Përballë gazetarit Denis Minga, Patozi shprehet skeptik sa i përket arritjes së një drafti final sa i përket 'Zgjedhores' brenda afatit të përcaktuar, 15 marsit. Nga ana tjetër, zgjidhjen nuk e sheh as tek implementimi i të gjithë rekomandimeve të OSBE-ODIHR, me argumentin se janë të pamjaftueshme për të zgjidhur krizën.
"Parashikimet i kam të zymta për 15 marsin, nuk shikoj asnjë shenjë dhe asnjë provë që kjo tryezë do ketë sukses. E kam fjalën Reformë të qenësishme, madje s'do e quaja as sukses kalimin me të gjithë numrat rekomandimet e OSBE-ODIHR. Unë mendoj që janë të pamjaftueshme se nuk zgjidhin hallin. Mos presim që të huajt të na tregojnë cili është sistemi më i përshtatshëm. Kam frikë se as ato nuk do i bëjmë dot se ka sinjale që PD depolitizimin e komisione e ka të vështirë ta pranojë", tha Patozi.
Me gjithë rezervat që ka për dy liderët politik të dy partive më të mëdha, Rama- Basha, Patozi flet me bindje se nuk ka një pakt të fshehtë mes tyre i materializuar në letër, por një marrëveshje të heshtur që vjen nga interesa të përbashkëta.
"Nuk ka marrëveshje mes tyre, por kanë interesa të përbashkëta. Basha është gati që ta rrëzojë Ramën nga pushteti dhe kur vjen puna te sistemi zgjedhor, që të ruaj partitë e mëdha, janë bashkë. Kjo është më e dëmshme se të kenë një marrëveshje, se ajo do ishte e përkohshme, një marrëveshje e pathënë ndoshta, i kushton më shumë Shqipërisë. Ka nisur në 2008 me Berishën dhe vijon me Bashën", tha Patozi, i cili u ndal të komentonte edhe lobimin rus. "Mendoj që PD-ja, sado rezerva të kem për Bashën, nuk ka përdorur paratë ruse dhe as me politikën ruse", përfundoi në studion e Report Tv, Patozi.
Komente
Lajme të tjera
-
Mero Baze: Listat e mbyllura, 'qokë' që Berisha të fitojë opozitën
5 Dhjetor, 07:14
-
Alibeaj në Report Tv: S’ka bashkëpunim me Berishën, PD një organizëm privat për të luftuar SPAK! Qeveria teknike? Lojë, i shiti Ramës zgjedhjet
29 Nëntor, 18:47 -
Partia Popullore Europiane 'godet' Sali Berishën, nuk kërkon lirimin e tij! Rezolutë për Shqipërinë, mbështet vijimin e reformave
22 Nëntor, 13:35 -
Padia e dytë në Kushtetuese për listat e mbyllura, Shabani: Rama e Berisha bashkë për të kthyer sistemin e 2008-s
16 Shtator, 11:37 -
‘Zgjedhorja’/ Ku kanë ngecur palët politike? Sfidë depolitizimi i administratës zgjedhore! Financimi i partive e shitblerja e votave kërkojnë adresim
13 Gusht, 22:12
-
Begaj dekreton ndryshimet në Kodin Zgjedhor: Fryt i marrëveshjes pozitë-opozitë, vota e diasporës historike! Lista e mbyllur? Nuk është tagri im
30 Korrik, 14:12 -
Mero Baze: Përse Berisha dhe Rama nuk kanë të njëjtin hall me sistemin
28 Korrik, 08:39
-
Spartak Ngjela: Turp historik! Nuk lejojnë votim të lirë, e nuk dinë të bëjnë asgjë tjetër veçse të rrinë në pushtet për privilegje
28 Korrik, 07:55
-
Politika s’ka moral, por kjo jona s’ka edhe logjikë
27 Korrik, 22:36
-
Skënder Minxhozi: Kompromisi më i çuditshëm, mbaje qeverinë, më ler shef të opozitës
27 Korrik, 22:30
-
A jeni dakord me 2/3 e listës së deputetëve të hapur dhe 1/3 e mbyllur? Ja si u votua në sondazhin e Shqiptarja.com
27 Korrik, 21:55 -
Mero Baze: Intervista e Ahmetajt si zhurmuese e pazarit për Kodin e zgjedhjeve
27 Korrik, 21:09
Patozëri hesapi ik more derdimen
Përgjigju