Pavarësia e Kosovës, Lulzim Basha në Report Tv: Dita e dytë më e madhe e kombit shqiptar

 

Dita e dytë më e rëndësishme e kombit shqiptar e ka konsideruar Lulzim Basha shpalljen e pavarësisë së Kosovës më 17 shkurt 2008.

“Çdo 17 shkurt më mbush me emocione të asaj dite. Një moment që i bashkon shqiptar, një ditë që i ka emocionuar shqiptarët kudo ku ndodhen në të gjitha trojet dhe në të gjithë planetin. Këto janë momente që gdhendin vetëdijen kombëtare. Unë e kam përjetuar edhe përgjegjësinë historike që më ishte ngarkuar si ministër i Jashtëm i asaj periudhe dhe që ngulmoi e gjithë puna me atë ditë fatlume dhe që vijoi me garantimin e njohjeve. Jemi një brez me fat sepse kemi përjetuar datën e dytë më të rëndësishme së kombit shqiptar pas 28 nëntorit 1912.

LEXO EDHE:
BE: Në Kosovë mbështesim një strukturë të vetme institucionale sipas kornizës së saj ligjore

Tensioni ka qenë i natyrës diplomatike. Burimi kryesor i tensionit ka qenë paaftësia e palës serbe për të pranuar realitetin, për të pranuar se ky nuk ishte një hap vetëm në favor të Kosovës, por patonte rajonin.  Paaftësia e Serbisë për të realizuar një moment kyç për tu shkëputur nga e tejkaluar e errët e ktheu në një viktimë të Rusisë putiniste, e cila nga njëra anë e bënte sikur qante hallin e Serbisë duke u përpjekur në çdo hap që të na sabotonte, nga ana tjetër po përgatiste terrin për të shfrytëzuar një rast historik, për të shpalosur revanshizmin e vet që mori vonë pak më vonë përmes agresionit ndaj Gjeorgjisë, Krimesë e tani në Ukrainë.”, tha Basha.

Lajmi kryesor:

15-vjet Kosovë e pavarur, Basha në Report Tv: 17 shkurti, dita e dytë më e madhe e kombit shqiptar! Tirana të bënte më shumë për të frenuar lojën e Beogradin

K.T./r.k./Shqiptarja.com

TAG:
• studio live
• lulzim basha
• pavaresia e kosoves
• kosove
• ballkani i hapur