PD: 300 ditët e arsimit, ka vetëm
përkeqësim dhe  korrupsion‏

Ish-ministri i Arsimit, Genc Pollo ka akuzuar kryeministrin Edi Rama  se në këto 300 ditë arsimi nuk ka parë asnjë investim, ndërsa është  përkeqësuar dhe ka lulëzuar korrupsioi.

“Asnjë emërim drejtori apo nëndrejtori shkolle  nuk është bërë me konkurs, sipas procedurave ligjore. Pa përmendur këtu pseudokonkurset mediatike për drejtorë rajonale të kurorëzuar nga militantja e spotit të Tiranës e bërë drejtoreshë e arsimit të Tiranës e shkarkuar si maja e ajsbergut në korrupsion rilindas arsimor të kryeqytetit e të gjithë Shqipërisë. Përmes anekdotave folklorike qeveria do të shmangë konkurimin e teksteve alternative dhe të kthehet ne kënetën e tekstit unik, të majisur deri në vitin 2005, e të ofruar nga kompania pranë ministrisë apo partisë. Ndërkohë, Rama nuk ka bërë asnjë investim në infrastrukturë, apo përmirësim të pagave të mësuesve. Gjithashtu, me folklorizëm patriotik do e kthejë arsimin bazë në një skemë të lënë pas e të braktisur në gjithë Europën”, ka thënë Pollo.

Sipas deputetit të Partisë Demokratike në fushën e arsimit të lartë po shfaqen:  skema financiare klienteliste, skema pranimesh në universitet që do të kthejnë korrupsionin e dikurshëm të provimeve në stadium si dhe qasje pseudo-elitare e njëkohësisht populiste që kufizojnë të drejtën për arsimim dhe e mbajnë Shqipërinë poshtë mesatares së Ballkanit.
 


Redaksia Online
(g.f/shqiptarja.com)