Tiranë-Partia Demokratike akuzoi sot publikisht, Komisionerin e Vettingut, Lulzim Hamitaj, se ka falsifikuar dokumentet e dorëzuara në Komision. Në një konferencë për mediat nga selia blu, PD akuzoi Komisionerin e Vettingut, Lulzim Hamitaj, se ka falsifikuar dokumentacionin kur ka aplikuar për t’u bërë pjesë e trupës së Vettingut.
Deputeti Enkelejd Alibeaj, dhe eksperti ligjor i PD-së, Gazmend Bardhi kanë thënë se Hamitaj ka falsifikuar certifikatën e gjuhës angleze. Sipas tyre, kjo faktohet nga datat që Hamitaj ka dorëzuar në komision.
Deklarata e plotë:
Partia Demokratike gjatë këtyre ditëve ka paraqitur të dhëna të pakontestueshme se organet e vettingut po aplikojnë standarde të dyfishta në procesin e rivlerësimit dhe se po konfirmojnë në detyrë gjyqtarë e prokurorë të korruptuar, sipas porosisë politike të Edi Ramës.
Përdorimi politik nga Edi Rama i komisionerëve të vettingut është i pritshëm, po të mbahet në konsideratë integriteti moral e profesional i ulët i pjesës dërrmuese të Komisionerëve.
Sot Partia Demokratike do të bëjë transparencë sesi një nga 12 Komisonerët e vettingut, jo vetëm nuk përmbush kriteret ligjore për ushtrimin e detyrës, por rezulton të jetë përfshirë në veprime të ulëta, siç është falsifikimi i dokumenteve që ka depozituar gjatë aplikimit.
Sipas nenit 6 të ligjit për vettingun kandidati për komisioner duhet të përmbushë edhe kriterin e zotërimit shumë mirë të gjuhës angleze. Ky është një kriter ligjor, pa të cilin një person nuk mund të zgjidhet në pozicionin e Komisionerit të vettingut.
Anëtari i vettingut Lulzim Hamitaj rezulton që në vitin 2016 ka aplikuar për pedagog pranë Univeristetit Europian të Tiranës, ku ka deklaruar se zotëron nivelin fillestar B1 të gjuhës angleze.
Ndërkohë një vit më vonë, në 2017-ën, kur aplikon për pozicionin e Komisionerit të vettingut, Lulzim Hamitaj depoziton një çertifikatë të zotërimit të gjuhës angleze në nivelin më të përparuar, C1, të lëshuar në vitin 2015 nga Qendra e Gjuhëve të Huaja Tiranë. Kjo provohet nga dokumentat e dosjes së tij, e marrë prej nesh në rrugë zyrtare nga Kuvendi.
Dokumenti i publikuar nga PD-ja
Dokumenti i depozituar pranë Avokatit të Popullit, më pas pranë Operacionit Ndërkombëtar të Monitorimit dhe Kuvendit të Shqipërisë, mbi bazën e të cilit ai është kualifikuar, mban logon e University of Cambridge, ESOL Examinations, BULATS, datë 6 Prill 2015, me numër reference 4571. Partia Demokratike pyet sot, atë që do të pyeste çdo shqiptar:
Nëse në vitin 2015 Lulzim Hamitaj do të ishte i pajisur me çertifikatë që provon se zotëron nivelin e përparuar C1, atëherë pse në aplikimin e vitit 2016, deklaron se zotëron anglishten në nivelin fillestar B1?
Qytetarët kanë të drejtë të mësojnë përgjigjen e kësaj pyetje.
Edhe një fakt tjetër.
Çertifikata e dorëzuar gjatë aplikimit për në organet e vettingut, mban datën 6 Prill 2015.
Nga verifikimi i të dhënave të sistemit TIMS, rezulton se shtetasi Lulzim Hamitaj, në datën 6 Prill 2015, ku pretendon se ka dhënë provimin dhe është pajisur me çertifikatë të zotërimit të gjuhës angleze, nuk ka qenë në Shqipëri!
Dokumentet zyrtare tregojnë se Lulzim Hamitaj, Komisioneri i vettingut, nuk ka qenë në territorin e Republikës së Shqipërisë në datën 6 Prill 2015, ku pretendon se ka zhvilluar testimin dhe është pajisur me çertifikatë, pasi rezulton se, ai ka dalë nga territori i Republikës së Shqipërisë në datën 28 Mars 2015 ora 11:10 min dhe ka hyrë në territorin e Republikës së Shqipërisë në datën 23 Korrik 2015 në orën 07:08 min.
Partia Demokratike pyet sot Komisionerin e vettingut Lulzim Hamitaj:
• A është Çertifikata e gjuhës angleze e depozituar pranë organeve shtetërore, një dokument i falsifikuar?
• A është siguruar kjo çertifikatë në vitin 2017, dhe jo në vitin 2015 siç shënohet në të, për efekt mashtrimi të organeve shtetërore përgjegjëse?
• A ka kontaktuar Lulzim Hamitaj me shtetasin me inicialet B.Ç për të siguruar këtë dokument të falsifikuar?
• A ka frekuentuar ai ndonjëherë Qendrën që e ka pajisur me çertifikatë dhe a ka bërë ai ndonjëherë testin e gjuhës angleze në këtë Qendër?
• A korrespondon numri i referencës së certifikatës së gjuhës angleze, 4571, në regjistrin e Qendrës me emrin e Komisionerit të vettingut Lulzim Hamitaj?
• Pse çertifikata e depozituar prej tij nuk e ka vulën e Universitetit Politeknik të
Tiranës?
Pajisja e individëve me çertifikata të falsifikuara ka qenë pjesë e një investigimi të realizuar nga emisioni Fiks Fare në datë 29 Shtator 2015, pas të cilit organi i prokurorisë nisi hetimet dhe Qendra, ku anëtari i vettingut Lulzim Hamitaj, ka marrë ceritifikatën e gjuhës angeleze, u mbyll. Qartësisht në investigimin e këtij emisioni rezulton se dallimi midis një çertifikate të rregullt dhe një çertifikate të falsifikuar është fakti se çertifikata e falsifikuar nuk mban vulën e Universitetit Politeknik të Tiranës. Përveç faktit që në datën 6 Prill 2015, ku ai pretendon se është testuar, Komisioneri i vettingut nuk ka qenë në Shqipëri, rezulton e provuar edhe fakti që çertifikata e depozituar nga Lulzim Hamitaj nuk e përmban vulën e Universitetit Politeknik të Tiranës. Këto fakte krijojnë bindjen e arsyeshme se Lulzim Hamitaj, Komisioner pranë Komisionit të Pavarur të Kualifikimit, ka mashtruar organet shtetërore dhe ka përdorur një dokument të falsifikuar, me qëllim që të siguronte kualifikimin në konkurim.
Ky fakt i rëndë tregon se ai nuk gëzon integritetin e duhur moral për të ushtruar detyrën e rëndësishme në organet e vettingut. Falsifikimi dhe përdorimi i dokumenteve të falsifikuara është vepër penale dhe në këtë rast është kryer me dijeni të plotë për qëllime të mashtrimit të organeve shtetërore.
Partia Demokratike i kërkon publikisht Komisionit të Pavarur të Kualifikimit dhe Operacionit Ndërkombëtar të Monitorimit të fillojnë procedurat disiplinore për shkarkimin e tij të menjëhershëm nga detyra për:
A. Mosplotësimin prej tij te kushteve dhe kërkesave Kushtetuese dhe Ligjore per te qene Gjyqtar/Komisioner ne organit kushtetues te Vettingut KPK
B. Përdorimin prej tij te Çertifikatës se falsifikuar përsa i përket mbrojtjes se gjuhës se huaj
C. Falsifikimin prej tij te CV, Formularëve dhe te akteve, ne lidhje me kualifikimin, te dorëzuara pranë organeve shtetërore dhe që jane marrë ne konsideratë dhe kanë shërbyer për zgjedhjen e tij si Gjyqtar/Komisioner në Komisionin e Pavarur të Kualifikimit. Partia Demokratike i kërkon publikisht organit të prokurorisë që të nisë menjëherë procedim penal ndaj Komisionerit të vettingut Lulzim Hamitaj për falsifikimin dhe përdorimin e dokumenteve të falsifikuara, të cilat i ka depozituar pranë organeve shtetërore dhe për të cilën Kodi Penal parashikon dënim deri në 4 vjet burgim. Për Partinë Demokratike integriteti moral dhe profesional i anëtarëve të vettingut është kusht i domosdoshëm për të siguruar besimin e publikut tek procesi i vettingut dhe parakusht i domosdoshëm për të siguruar pastrimin real të sistemit të drejtësisë nga gjyqtarët dhe prokurorët e korruptuar.
Pas akuzave të Partisë Demokratike për Komisionerin e Vettingut, Lulzim Hamitaj, ka ardhur reagimi zyrtar nga Prokuroria e Përgjithshme. Prokuroria bën me dije se kanë nisur hetimet për rastin Hamitaj, dhe se dosja po i kalon prokurorisë përkatëse për të vazhduar verifikimet.
“Prokuroria e Përgjithshme po vlerëson rastin "Hamitaj" duke ia përcjellë Prokurorisë kompetente për verifikim.”-bëhet me dije nga Prokuroria e Përgjithshme.
Partia Demokratike, nëpërmjet Gazmend Bardhit dhe Enkelejd Alibeajt, denoncoi paraditen e sotme, se njëri nga Komisionerët e Vettingut, Lulzim Hamitaj, ka falsifikuar certifikatën e anglishtes.
Komente
Lajme të tjera
-
Ben Andoni: PD-ja përballë protestave, por pa publikun?!
25 Dhjetor, 18:53
-
Protesta e Berishës, Faik Basha i PL-së e pranon: Nuk kishim shumë njerëz edhe prej motit! Haklaj: Mosbindja civile, teatër! PD bllokoi rrugët, vepër penale
25 Dhjetor, 17:47 -
Jakin Marena: Kujt i duhej ‘sakrifica’ e Gjekmarkajt në prag të Natës së Krishtit?!
24 Dhjetor, 21:06
-
Protesta e PD/ Ngjela për Report Tv: Kur nuk ke mbështetje, krijon akte dhune! Berisha duhet të ikë
24 Dhjetor, 19:11 -
Protesta e PD/ Kulluri: Pjesëmarrja për turp! Elezi: Pse nuk bllokojnë godinën e ‘narko shtetit’, po u nxijnë jetën qytetarëve?
24 Dhjetor, 18:50 -
Ylli Pata: Logjika politike e guerriles së senatorëve të Sali Berishës
24 Dhjetor, 18:33
-
Përplasja fizike në Kuvend, Luan Baçi i del në mbrojtje Agron Shehajt, kundër Flamur Nokës
24 Dhjetor, 18:31 -
Rrëzohen të vegjlit për Kodin Zgjedhor, Elezi: Akt tradhtie, Berisha shiti zgjedhjet! Kulluri: Shqiptarët do zgjedhin rreth 20 deputetë
24 Dhjetor, 18:03 -
Protesta/ PD kallëzon në SPAK dhe te Prokuroria e Tiranës ministrin Hoxha, kryepolicin Proda dhe zinxhirin komandues: Ushtruan dhunë! (DOKUMENTI)
24 Dhjetor, 16:59 -
Gjykata Kushtetuese rrëzon ankimimin e partive të vogla për Kodin Zgjedhor: Pretendime të pabazuara, nuk cenohet barazia para ligjit (VENDIMI)
24 Dhjetor, 16:23 -
Protesta e PD-së, Martin Leka në Report Tv: Po kthehet në rutinë, Berisha nuk ka njerëz! Përdor propagandë për të karikuar simpatizantët! Më shumë kishte policë
24 Dhjetor, 13:56 -
Humbi ndjenjat në protestë, videoja që rrëzon pretendimin e Gjekmarkajt! QSUT: S'ka problem shëndetësor! Policia: S'e goditi askush! Deputeti: Më shtynë brutalisht
24 Dhjetor, 11:02
Ne CV ka shkruar “ferngjisht” ne vend te “frengjisht”. Kete jane komisaret( komosioneret desha te them) e drites. Lum si ne.
PërgjigjuJa dhe dy bo*!t e kandarit
PërgjigjuAi komisioner duhet të zëvendësohet shpejt që të mos paragjykohet vetingu se e vërtetë do dalë që e ka fallsifikuar
PërgjigjuOO O DOLEN DY BABALET ME M** TEK SHALET .SA TE PA CIP PASKAN QEN MOR ZOT .ALIBEJ ZHGARRAVIN E VOTUAR NGA POPULLI QE MORI MARTADELLIN ME MISH GOMARI PRAP DEL ME ATE SYN E LUGATIT PER TE DHON MEND .GJENI BABALEN PERPARA O ALI QORRI .
PërgjigjuPo ju frikson shume vetingu,mbetet pas vrimave te celsit te gjithkujt,jeni vetem nje Parti fashiste jeni shume negative.
PërgjigjuJeni bere qesharak deri ne neveri ju trimat e PD-se,nuk ju degjon askush mos llapni kot se na hapet barkun,i keni marre mire mesimet e Sali Kriminelit,lodheni kot nuk pijne uje me.
PërgjigjuKëto dy buratinot e pd ky gazment ziu e enkeled alibeaj turi miu na tregojn pralla me nastradin se medemek këto plerat e drejtësis s'duhen heq. Këto fundërinat e drejtësis që i bëri kryemaloku salhe prokuror e gjukatës me 7 klas shkoll duhen mbajtur se jan ajka e mutit e duhet ti lëm në padrejtësi që gjërat e vjedhura nga salheu ti ligjitimojn. A mor buratina që se kuptoni që sju do njeri mjer ju .
Përgjigju